rKTs

e-texts navigator

Volume

Page

96a₁ byin na rnam par smin pa tshe rabs thams cad du skom pa rnam par gcod pa rab tu 'thob par 'gyur ro/ /bgo ba sbyin pa byin na rnam par smin pa gos kyi longs spyod sna tshogs rab tu 'thob par 'gyur ro/ /gnas kyi sbyin pa byin na rnam par smin pa pu shu dang khang pa
96a₂ brtsegs pa dang / khyams dang / khang pa dang / gzhal med khang dang / skyed mos tshal dang / kun dga' ra ba dang / yul rab tu 'thob par 'gyur ro/ /mal cha sbyin pa byin na rnam par smin pa rigs mthon po rab tu 'thob par 'gyur ro/ /bzhon pa sbyin pa byin na
96a₃ rnam par smin pa rdzu 'phrul gyi rkang pa bzhi rab tu 'thob par 'gyur ro/ /sman sbyin pa byin na rnam par smin pa rga shi med cing mya ngan dang kun nas nyon mongs pa 'gog pa'i mya ngan las 'das pa rab tu 'thob par 'gyur ro/ /chos sbyin pa byin na rnam par smin pa skye ba dran pa
96a₄ rab tu 'thob par 'gyur ro/ /me tog sbyin pa byin na rnam par smin pa byang chub kyi yan lag gi me tog rab tu 'thob par 'gyur ro/ /phreng ba sbyin pa byin na rnam par smin pa 'dod chags dang zhe sdang dang gti mug gi dri ma rnam par dag pa rab tu 'thob par 'gyur ro/ /bdug pa
96a₅ sbyin pa byin na rnam par smin pa nyon mongs pa'i dri nga ba thams cad med pa rab tu 'thob par 'gyur ro/ /gdugs sbyin pa byin na rnam par smin pa chos la dbang ba'i dbang phyug rab tu 'thob par 'gyur ro/ /dril bu sbyin pa byin na rnam par smin pa sgra dbyangs yid du 'ong ba rab tu
96a₆ 'thob par 'gyur ro/ /sil snyan sbyin pa byin na rnam par smin pa tshangs pa'i sgra dbyangs lta bu rab tu 'thob par 'gyur ro/ /mar me sbyin pa byin na rnam par smin pa lha'i mig sgrib pa med cing rnam par dag pa rab tu 'thob par 'gyur ro/ /dar sbyin pa byin na rnam par smin pa lha
96a₇ dang mi'i nang na rnam par grol ba'i dar gyis bcings pa rab tu 'thob par 'gyur ro/ /de bzhin gshegs pa'i mchod rten nam/ de bzhin gshegs pa'i sku gzugs la 'bru mar dri zhim po phul lam/ spos kyi khrus chu dbul ba phul na rnam par smin pa skyes bu chen po'i mtshan sum

_{iiif viewer powered by OpenSeadragon}

95b - 96b

Texts on this page