rKTs

e-texts navigator

Volume

Page

92a₁ lag pa ring zhing gser mdog ldan/ /'jig rten mchod gnas gyur par shog /snying rjes non par gyur nas ni/ /chos kyi lag pa bstod byas la/ /ngan song kun las lus can rnams/ /bdag gis rtag tu 'byin par shog /de la rna ba dang sna yongs su
92a₂ gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ rna ba dang sna yongs su gtong ba'i sbyin pa zhes bya ba de ni byang chub sems dpa' rnams kyi dbang po tshang ba yongs su rdzogs par 'gyur ba'i tshig yin
92a₃ gyis/ bdag gis rna ba dang / sna yongs su gtong ba'i sbyin pa sbyin par bya gor ma chag snyam mo/ /de rna ba dang sna yongs su gtong ba'i sbyin pa de sbyin pa na/ de bzhin gshegs pas rnam par gzhag pa'i smon lam bzhin du/ rna ba dang sna yongs su gtong ba'i sbyin pa 'dis na/ bdag
92a₄ sems can thams cad dbang po thams cad dang ldan par byed par gyur cig ces smon lam 'debs so/ /de la 'di skad ces bya ste/ rna ba dang ni sna btang bas/ /srog chags rnams ni thams cad kyang / /dbang po kun dang ldan gyur te/ /yan lag thams cad rdzogs par shog /rna ba
92a₅ dang ni sna btang bas/ gang dang gang du skyes pa der/ /blta na sdug cing gzugs bzang la/ /mi ni de bzhin mdzes par 'gyur/ /de la mig gi sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ mig sbyin pa zhes bya
92a₆ ba de ni byang chub sems dpa' rnams kyi chos kyi mig sgrib pa med pa yongs su dag pa'i tshig yin gyis/ bdag gis mig gi sbyin pa sbyin par bya gor ma chag snyam mo/ /de mig gi sbyin pa de sbyin pa na/ de bzhin gshegs pas dag par mdzad pa'i smon lam bzhin du/ mig
92a₇ gi sbyin pa 'dis na/ bdag sems can thams cad kyi chos kyi mig sgrib pa med pa yongs su dag par byed par gyur cig ces smon lam 'debs so/ /de la tshig phyi ma yang yod de/ mig gi sbyin pa 'dis na bdag /bla med byang chub sangs rgyas nas/ /sems can kun gyi chos kyi mig /

_{iiif viewer powered by OpenSeadragon}

91b - 92b

Texts on this page