rKTs

e-texts navigator

Volume

Page

91a₁ snyam du sems te/ gtsug gi nor bu dang / cod pan yongs su gtong ba'i sbyin pa zhes bya ba de ni/ byang chub sems dpa' rnams kyi spyi gtsug bltar mi mthong bar 'gyur ba'i tshig yin gyis/ bdag gis gtsug gi nor bu dang / cod pan yongs su gtong
91a₂ ba'i sbyin pa sbyin par bya gor ma chag snyam mo/ /de gtsug gi nor bu dang / cod pan yongs su gtong ba'i sbyin pa de sbyin pa na/ de bzhin gshegs pas gsungs pa'i smon lam bzhin du/ gtsug gi nor bu dang / cod pan yongs su gtong ba'i sbyin pa 'dis na bdag sems
91a₃ can thams cad kyis spyi gtsug bltar mi mthong ba thob par byed par gyur cig ces smon lam 'debs so/ /de la 'di skad ces bya ste/ mgo bo'i nor bu cod pan byin pa yi/ /bsod nams tshogs ni bdag la ci yod pa/ /des na 'dir ni sems can thams cad kyi/ /spyi gtsug
91a₄ bltar med rtag tu thob gyur cig / gtsug gi nor bu byin des bdag /n+ya gro da ltar chu zheng gab/ /gser dang nor bu byas pa yis/ /gtsug tor phun sum tshogs par shog /de la rkang pa sbyin pa la ji ltar mngon par brtson par byed ce na/ rigs kyi bu 'di la byang chub sems
91a₅ dpa' de 'di snyam du sems te/ rkang pa sbyin pa zhes bya ba de ni byang chub sems dpa' rnams kyi chos kyi rkang pa byang chub kyi snying por 'gro ba'i tshig yin gyis/ bdag gis rkang pa sbyin pa sbyin par bya gor ma chag snyam mo/ /de la rkang pa sbyin pa de sbyin pa na/ de bzhin gshegs
91a₆ pas brnyes pa'i smon lam bzhin du rkang pa sbyin pa 'dis na/ mi rnams dang sems can thams cad rtag tu myur bar khyim nas mngon par byung nas skye ba dang / rga ba dang / na ba dang / 'chi ba'i gnod pa zhi bar bya ba'i don gyi phyir 'dod bzhin du bag brkyang nas rab tu dga' zhing dbang po zhi
91a₇ l a skyabs su 'os pa'i zla ba'i 'od ltar gzugs zhi ba snang byed nyi ma sna tshogs kyi gzi brjid ltar snying rje las byung ba'i 'od zer 'phro bas mtshams med pa yan cad mun par zhugs pas nyam thag pa'i mi rnams kyi mun pa snang bar byas nas lus rab tu tsha ba'i sdug bsngal rnams sel cing

_{iiif viewer powered by OpenSeadragon}

90b - 91b

Texts on this page