rKTs

e-texts navigator

Volume

Page

90a₁ snyam du sems te/ chung ma dang bu dang / bu mo yongs su gtong ba'i sbyin pa zhes bya ba de ni byang chub sems dpa' rnams kyi bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i tshig yin gyis bdag gis chung ma dang /
90a₂ bu dang / bu mo yongs su gtong ba'i sbyin pa sbyin par bya gor ma chag snyam mo/ /de chung ma dang / bu dang / bu mo yongs su gtong ba'i sbyin pa de sbyin pa na/ de bzhin gshegs pas bsnyen bkur mdzad mdzad pa'i smon lam bzhin du chung ma dang / bu dang / bu mo yongs su
90a₃ gtong ba'i sbyin pa 'dis na bdag sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar byed par gyur cig ces smon lam 'debs so/ /de la tshig phyi ma yang yod de/ bu yi sbyin pa des na myur bar yang / /sems can rnams ni
90a₄ re re'i don gyi phyir/ /sems can thams cad bla na med pa yi/ /byang chub dam pa 'tshang rgya byed par shog /chung ma bu dang bu mo gtong byed pa/ /de la byang chub zag med dga' ba med/ /brtson 'grus ldan pa'i mi ni gang la yang / /dka' ba ci yang med par blta
90a₅ bar bya/ /de la nor dang / 'bru dang / bang mdzod yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ nor dang / 'bru dang / bang mdzod yongs su gtong ba'i sbyin pa zhes bya ba de ni/ byang chub
90a₆ sems dpa' rnams kyi dam pa'i chos kyi mdzod yongs su rdzogs par 'gyur ba'i tshig yin gyis/ bdag gis nor dang / 'bru dang / bang mdzod yongs su gtong ba'i sbyin pa sbyin par bya gor ma chag snyam mo/ /de nor dang / 'bru dang / bang mdzod yongs su gtong ba'i sbyin
90a₇ pa de sbyin pa na/ de bzhin gshegs pas gsungs pa'i smon lam bzhin du nor dang / 'bru dang / bang mdzod yongs su gtong ba'i sbyin pa 'dis na/ bdag sems can thams cad kyi dam pa'i chos kyi mdzod yongs su rdzogs par byed par gyur cig ces smon lam 'debs so/ /de la 'di skad

_{iiif viewer powered by OpenSeadragon}

89b - 90b

Texts on this page