| e-texts navigator |
| བོད་ཡིག |
227a1 mchod/ /bdag ni 'dod dang longs spyod lus mi gnyer/ /rgyal ba yang dang yang du mchod par bya/ /bdag gis bsod nams rnam smin de mthong zhing / /nyin gcig 'dra ba tshe rabs brgya yang dran/ /bdag 'dir skyes pa'i dpal yang 'di 'dra na/ /mkhas
227a2 pa su zhig rgyal la gus mi skyed/ /de nas bu mo des tshigs su bcad pa de dag smras nas cang mi zer bar 'dug par gyur to/ /de'i sngon gyi dge ba'i rtsa ba'i 'bras bu'i rgyu 'thun pas lus la lha'i gos rin po che dag gyon bzhin du byung bar gyur nas de'i lus las zla ba las shin tu khyad
227a3 par du 'phags pa'i 'od zer gser gyi mdog tu snang ba dag kyang byung ngo / /de nas pha ma dag gis de'i ming zla mchog ces bya bar btags so/ /de nas bu mo zla mchog de skad cig dang / thang cig dang / yud tsam cig gis 'di lta ste/ dper na bu mo lo brgyad lon pa lta bu'i na
227a4 tshod du kun tu snang ngo / /des sa'i phyogs gang dang gang dag tu 'greng ba dang / 'chag pa dang / 'dug pa dang / mal bcas par gyur pa de dang de dag tu 'od zer gser gyi mdog lta bu dag snang bar gyur to/ /de'i spu'i khung bu thams cad nas tsan dan sa mchog pa'i dri dag dang / kha nas kyang
227a5 ud pa la sngon po'i dri ngad byung bar gyur to/ /de nas yangs pa can gyi grong khyer gyi tshong dpon dang / khyim bdag dang / rgyal bu rnams dang / de las gzhan pa rigs che ba rnams dang / rigs mtho ba dag gis bu mo zla mchog gi lus kyi gzugs dang / kha dog yongs su
227a6 rdzogs pa thos so/ /thos nas kyang 'dod pa'i 'dod chags kyis sems shin tu dkris par gyur cing so so nas 'di snyam du sems te/ de bdag gi chung mar gyur na ci ma rung snyam mo/ /de nas skye bo phal po che rnams de thob par bya ba'i phyir sems brtson par gyur te/ de dag las
227a7 kha cig ni lits+tsha bI dri ma med par grags pa la sten par byed/ sten par byed cing bsnyen bkur byed par gyur to/ /kha cig ni nor bu dang / gser dang / dngul dang / rdo rje dang / bai dUr+ya dang / spug dang / an da rnyil dang / dung dang / men shel dang / byi ru bye ba snyed dag sbyin zhing
iiif viewer powered by OpenSeadragon
Texts on this page
D191 - 'phags pa bu mo zla mchog lung bstan pa zhes bya ba theg pa chen po'i mdo