rKTs

e-texts navigator

Volume

Page

223b₁ bud med kyi gzugs nyid kyis bcom ldan 'das kyi zhabs la mgo bos phyag 'tshal nas 'di skad ces gsol to/ /bdag bla na med pa yang dag par rdzogs pa'i byang chub tu lung ma bstan pa'i bar dang / bdag gi bud med kyi lus ma mchis par gyur te/ skyes pa'i lus su ma gyur gyi bar
223b₂ du bcom ldan 'das kyi zhabs las mi ldang lags so/ /bud med lnga brgya po de dag kyang bcom ldan 'das kyi zhabs la phyag 'tshal nas 'di skad ces gsol to/ /bcom ldan 'das bdag cag kyang bud med kyi rang bzhin las gyur te/ skyes pa'i rang bzhin du ma gyur gyi bar dang / bla na med
223b₃ pa yang dag par rdzogs pa'i byang chub tu lung ma bstan gyi bar du bdag cag mi ldang lags so/ /de nas de'i tshe bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de nas de'i mod la bcom ldan 'das
223b₄ kyi zhal gyi sgo nas 'od zer du ma sna tshogs 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung ste/ 'od zer de dag gis 'jig rten gyi khams mtha' yas mu med pa 'od kyis khyab par byas nas tshangs
223b₅ pa'i 'jig rten gyi bar du thug ste/ phyir log nas bcom ldan 'das kyi spyi bo'i gtsug tu mi snang bar gyur to/ /de nas tshe dang ldan pa kun dga' bo stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan
223b₆ 'das la 'di skad ces gsol to/ /bcom ldan 'das de bzhin gshegs pa rnams ni rgyu ma mchis rkyen ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu ni gang lags/ rkyen ni gang lags/ bcom ldan 'das kyis bka' stsal pa/ kun
223b₇ dga' bo khyod kyis byang chub sems dpa' bud med 'gyur ba bud med lnga brgyas bskor ba de bzhin gshegs pa'i zhabs la gtugs pa mthong ngam/ gsol pa/ bcom ldan 'das mthong lags so/ /bcom ldan 'das kyis bka' stsal pa/ kun dga' bo byang chub sems dpa'

_{iiif viewer powered by OpenSeadragon}

223a - 224a

Texts on this page