| e-texts navigator |
| བོད་ཡིག |
222b1 gang la yang mi gnas la ldog pa yang ma mchis so/ /smras pa/ che zhe gal te khyod theg pa chen po gang la yang mi gnas la ldog pa yang med na theg pa chen po la yang dag par zhugs pa gang dag yin pa de dag ci la zhugs/ smras pa/ btsun pa shA ri'i bu theg pa chen po pa rnams ni
222b2 ci la yang mi gnas te/ ma rig pa zad par bgyi ba'i slad du de dag mi gnas pa nas rga shi'i bar du zad par bgyi ba'i slad du de dag mi gnas so/ /de ci'i slad du zhe na/ btsun pa shA ri'i bu ma rig pa nas rga shi'i bar du mi zad pa'i slad du'o/ /des na de dag ni skye ba'i chos can
222b3 yang ma lags/ 'gag pa'i chos can ma lags so/ /gal te skye bar gyur na ni de las zad par 'gyur na gang gi phyir mi skye ba de'i phyir mi zad do/ /de bas na zad pa yang ma mchis/ skye ba yang ma mchis so/ /dge sbyong gi chos ni mi skye ba'i chos can no/ /btsun pa shA ri'i bu de
222b4 ltar na rten cing 'brel par 'byung ba ma skyes pa dang ma 'gags pa lags so/ /de nas tshe dang ldan pa shA ri'i bus bud med de la 'di skad ces smras so/ /che zhe khyod ni lhar bcas pa'i 'jig rten dang / nyan thos dang / rang sangs rgyas dang bcas pas phyag bya ba'i 'os yin na tshe dang
222b5 ldan pa rab 'byor gyis lta ci smos/ de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das gang zag gis gang zag la tshod 'dzin pa su zhig mchis te/ che zhe 'di ni 'di ltar rgyan gyis legs par brgyan la 'di ltar spobs pa phun sum
222b6 tshogs pa dang ldan pa lags so/ /bud med des smras pa/ btsun pa shA ri'i bu 'di ni rgyan gyi spobs pa ma lags so/ /smras pa/ 'o na gang gi spobs pa yin/ smras pa/ btsun pa shA ri'i bu brgyad po 'di dag ni byang chub sems dpa' rnams kyi rgyan lags te/ brgyad gang zhe na/ 'di
222b7 lta ste/ byang chub kyi sems mi brjed pa'i rgyan dang / snying rje chen po'i lhag pa'i bsam pa la gnas pa'i rgyan dang / sems can thams cad la zhe 'gras pa med pa'i sems kyi rgyan dang / thos pa'i chos yongs su 'tshol ba la chog mi shes pa'i rgyan dang / ji ltar thos pa'i chos rnams dang
iiif viewer powered by OpenSeadragon
Texts on this page
D190 - 'phags pa bud med 'gyur ba lung bstan pa zhes bya ba theg pa chen po'i mdo