| e-texts navigator |
| བོད་ཡིག |
79a1 @##/ /rgya gar skad du/ Ar+ya ak+Sha ya ma ti nir de sha nA ma ma hA yA na sU tra/ bod skad du/ 'phags pa blo gros mi zad pas bstan pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' dang / 'phags pa
79a2 nyan thos dang / rang sangs rgyas thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ de bzhin gshegs pa'i spyod yul rin po che bkod pa'i 'khor gyi khyams/ de bzhin gshegs pa thams cad kyi gnas/
79a3 bsod nams chen po'i rgyan gyi tshogs bsags pa/ spyod pa chen po'i rgyu 'thun pa'i 'bras bu/ sangs rgyas thams cad kyi chos rnam par smin pas mngon par grub pa/ byang chub sems dpa' chen po'i gnas chos kyi dbyings mtha' yas par bstan pa/ de bzhin gshegs
79a4 pa'i rnam par sprul pa'i byin gyi rlabs chags pa med pa'i spyod yul gyi ye shes la 'jug pa/ dga' ba chen po yang dag par skyed pa/ dran pa dang / blo gros dang / rtog pa la 'jug pa/ mdzes pa'i rdzu 'phrul kun nas ma smad pa/ ye shes rnam par dpyod pa/ de la ma
79a5 chags pa'i rtog pa la 'jug pa/ phyi ma'i mtha'i bskal par mngon par bstod pa/ yon tan thams cad kyi tshogs dpag tu med pa na bzhugs te/ bcom ldan 'das chos thams cad kyi mnyam pa nyid ni mngon par rdzogs par sangs rgyas/ chos kyi 'khor lo ni rab tu
79a6 bskor/ slob ma shin tu dul ba mtha' yas pa'i tshogs ni mnga'/ chos thams cad la ni mnga' brnyes/ sems can thams cad kyi bsam pa'i tshul ni rab tu mkhyen/ dbang po dam pa'i mchog ni brnyes/ sems can thams cad kyi nyon mongs pa'i bag chags kyi
79a7 mtshams sbyor ba legs par 'joms pa la ni mkhas/ sangs rgyas kyi mdzad pa lhun gyis grub pa ni rgyun ma bcad cing / dge slong brgya stong phrag drug cu'i dge slong gi dge 'dun chen po dang thabs cig ste/ thams cad kyang cang shes pa'i sems dang ldan pa/ yang
iiif viewer powered by OpenSeadragon
Texts on this page
D175 - 'phags pa blo gros mi zad pas bstan pa zhes bya ba theg pa chen po'i mdo