| e-texts navigator |
| བོད་ཡིག |
5a1 kha dog dang / dbyibs dang / spyod pa'i bye brag de dang de lta bur de bzhin gshegs pa sems can rnams kyis mthong ngo / /'jam dpal mtshan gyi bye brag gang dang gang gis sems can rnams 'dul bar 'gyur ba'i mtshan gyi bye brag de dang de lta bur de bzhin
5a2 gshegs pa sems can rnams kyis mthong ngo / /'jam dpal chos bstan pa gang dang gang gis sems can rnams yongs su smin par 'gyur ba'i chos bstan pa de dang de lta bur de bzhin gshegs pa chos bstan par sems can rnams kyis shes so/ /'jam dpal spyod pa gang
5a3 gis sems can rnams de bzhin gshegs pa'i bstan pa la 'jug pa dang 'dul bar 'gyur ba'i spyod pa de dang de la de bzhin gshegs pa gnas par sems can rnams kyis mthong ngo / /'jam dpal de bzhin du de bzhin gshegs pa dgra bcom pa yang dag par rdzogs pa'i sangs
5a4 rgyas 'jig rten du 'byung bar 'gyur ba yang skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams dang / skye bo phal po che'i don dang / phan pa dang bde ba'i phyir skye'o/ /de nas byang chub sems dpa' 'jam dpal stan las langs
5a5 te/ bcom ldan 'das ga la ba de logs su thal mo sbyar nas bcom ldan 'das la 'di skad ces gsol to/ /bcom ldan 'das bdag gi ston pa mi mnyam pa dang mnyam pa dang gang zag zla med pa/ khams gsum na mgon po'i mchog sems can thams cad la phan par mdzad pa/
5a6 'jig rten gyi chos kyis mi bskyod pa/ nam mkha' ltar mi gos pa/ bsam gyis mi khyab pa/ bsam par 'os pa/ blta 'dod pa/ blta na sdug pa 'di 'dra ba ni bdag gis rnyed pa rab tu rnyed do/ /bde bar gshegs pa rnyed pa rab tu rnyed do/ /bcom ldan 'das kyis de skad ces
5a7 bka' stsal nas 'jam dpal gzhon nur gyur pa dga'o/ /byang chub sems dpa' sems dpa' chen po de dag dang / dge slong de dag bcom ldan 'das kyis bshad pa la mngon par bstod do// //'phags pa 'jam dpal gyis dris pa zhes bya ba theg pa chen po'i mdo rdzogs so// //
iiif viewer powered by OpenSeadragon
Texts on this page
D172 - 'phags pa 'jam dpal gyis dris pa zhes bya ba theg pa chen po'i mdo