| e-texts navigator |
| བོད་ཡིག |
2a1 logs su thal mo sbyar nas/ bcom ldan 'das la 'di skad ces gsol to/ /bcom ldan 'das bsod nams chen po gang gis 'dul ba bye ba khrag khrig brgya stong du ma'i bsam pa yongs su rdzogs par 'gyur ba de bzhin gshegs pa'i drung du
2a2 'gyur ba'i bsod nams chen po de ji snyed tshad ji tsam lags/ de skad ces gsol pa dang / bcom ldan 'das kyis byang chub sems dpa' sems dpa' chen po 'jam dpal la 'di skad ces bka' stsal to/ /'jam dpal bsod nams chen po gang gis 'dul
2a3 ba bye ba khrag khrig brgya stong gi bsam pa yongs su rdzogs par byed pa de bzhin gshegs pa'i drung du 'gyur ba'i bsod nams chen po de ni/ shes rab las byung ba snying rje chen pos yongs su bsgos pa yin te/ bsam gyis mi khyab bo/ /'jam dpal 'dzam
2a4 bu'i gling gi sems can ji snyed pa de dag thams cad dge ba bcu'i las kyi lam dang ldan par gyur la/ gang sems can de dag thams cad kyi bsod nams kyi phung por gyur pa'i bsod nams kyi phung po de brgyar bsgyur bas gling bzhi la dbang ba rin po che sna bdun dang ldan
2a5 pa'i 'khor los sgyur ba'i rgyal por 'gyur te/ de'i rin po che sna bdun 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / blon po rin po che dang 'di
2a6 bdun 'byung ngo / /de la bu stong dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa rnams yod de/ 'jam dpal de ltar 'khor los sgyur ba'i rgyal po de rdzu 'phrul che zhing mthu che ba yin no/ /'jam
iiif viewer powered by OpenSeadragon
Texts on this page
D172 - 'phags pa 'jam dpal gyis dris pa zhes bya ba theg pa chen po'i mdo