| e-texts navigator |
| བོད་ཡིག |
241a1 yang dag pa ji lta ba bzhin du ma mthong ba'i phyir 'di ltar yang dag pa ma yin pa'i 'khor ba las mi 'da'o/ /de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das ji ltar
241a2 dmigs na sems can rnams 'khor ba las mi 'da' ba bshad du gsol/ bcom ldan 'das kyis bka' stsal pa/ 'jam dpal sems can rnams bdag dang / bdag gir khas len pa'i phyir 'khor ba las mi 'da'o/ /de ci'i phyir zhe na/ 'jam dpal su bdag
241a3 dang gzhan du yang dag par rjes su mthong ba de las mngon par 'du byed par 'gyur ba'i phyir ro/ /'jam dpal byis pa so so'i skye bo thos pa dang mi ldan pa ni chos thams cad shin tu yongs su mya ngan las 'das par rab tu mi shes te/ bdag dang gzhan du dmigs so/ /dmigs nas
241a4 lus dang / ngag dang / yid kyi las rnam pa gsum mngon par 'du byed do/ /de med pa la sgro btags nas bdag 'dod chags so/ /bdag zhe sdang ngo / /bdag gti mug go zhes rnam par rtog go/ /gal te de de bzhin gshegs pa'i bstan pa la rab tu byung na de 'di snyam du
241a5 sems te/ bdag ni tshul khrims dang ldan pa/ bdag ni tshangs par spyod pa ste/ bdag 'khor ba las 'da' bar bya'o/ /bdag yongs su mya ngan las 'das pa rjes su thob par bya'o/ /bdag sdug bsngal rnams las thar bar bya'o snyam mo/ /de chos 'di dag ni dge ba dag
241a6 go/ /chos 'di dag ni mi dge ba dag go snyam du rtog go/ /de chos 'di dag ni spang bar bya ba dag go/ /chos 'di dag ni mngon du bya ba dag go/ /sdug bsngal ni yongs su shes par bya ba'o/ /kun 'byung ba ni spang bar bya ba'o/ /'gog pa ni mngon sum du bya ba'o/ /lam ni bsgom
241a7 par bya ba'o snyam du rtog go/ /de 'du byed rnams ni mi rtag pa/ 'du byed rnams ni sdug bsngal ba/ 'du byed rnams ni kun tu 'bar ba ste/ 'du byed rnams las bdag 'bros par bya'o snyam du rtog go/ /des de ltar brtags pas mtshan ma sngon du 'gro ba'i yid 'byung ba dang ldan pa/
iiif viewer powered by OpenSeadragon
Texts on this page
D178 - 'phags pa byang chub kyi phyogs bstan pa zhes bya ba theg pa chen po'i mdo