rKTs

e-texts navigator

Volume

Page

9b₁ 'dir mi nyal tsam gyi nam gyi gung thun la nga gcig pu dben par 'dug ste nang du yang dag bzhag na mi mjed kyi bdag po tshangs pas thams cad dang ldan pa'i tshal chen po 'od kyis snang bar byas nas nga ga la ba der 'ongs te phyin nas nga la mngon par bstod de/ lan gsum
9b₂ bskor ba byas nas phyogs gcig tu 'dug go/ /phyogs gcig tu 'dug nas mi mjed kyi bdag po tshangs pas nga la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs dbye bar gnang na/ bcom ldan 'das
9b₃ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ /dge slong dag de skad ces gsol pa dang / ngas mi mjed kyi bdag po tshangs pa la 'di skad ces bka' stsal to/ /tshangs pa zhu ba lung bstan pa'i
9b₄ phyir de bzhin gshegs pas rtag tu khyod la skabs phyes/ tshangs pa khyod ci dang ci 'dod pa zhus shig dang / zhus pa de dang de nyid kyi lung bstan pas ngas khyod kyi sems rangs par bya'o/ /de nas ngas skabs phye bas mi mjed kyi bdag po tshangs pas nga la 'di skad ces gsol
9b₅ to/ /bcom ldan 'das byang chub sems dpa' sems dpa' chen po dag chos du dang ldan na/ /myur du bla na med pa yang dag par rdzogs pa'i byang chub mngon par rdzogs par 'tshang rgya lags/ dge slong dag de skad ces gsol pa dang / ngas mi mjed kyi bdag po tshangs
9b₆ pa la 'di skad ces bka' stsal to/ /tshangs pa byang chub sems dpa' sems dpa' chen po dag chos gcig dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /chos gcig gang zhe na/ 'di lta ste lus kyi rjes su song ba'i
9b₇ dran pa'o/ /dge slong dag ngas mi mjed kyi bdag po tshangs pa de la lus kyi rjes su song ba dran pa'i rgyu dang / las dang 'bras bu yang bstan to/ /de nas bcom ldan 'das la tshe dang ldan pa kun dga' bos 'di skad ces gsol to/ /legs so legs so bcom ldan

_{iiif viewer powered by OpenSeadragon}

9a - 10a

Texts on this page