rKTs

e-texts navigator

Volume

Page

99b₁ mchod rten de/ /gal te mdo sde 'di la ni/ /sems can gcig 'ga' btsud na yang / /'gro ba'i mgon po bdag spro'o/ /chos smra ba ni de dag la/ /khri stan gang la de mchis te/ /mdo sde 'di ni rab ston par/ /tshangs pa'i 'jig rten man chad du/ /me tog dgram par bdag spro'o/ /
99b₂ gang gi lag nas mdo sde 'di/ /phyi ma'i dus na thos par 'gyur/ /de la a la la zhes ni/ /legs smras legs zhes brjod par bgyi/ /gang na mdo sde 'di mchis par/ /me yi phung pos gang ba yi/ /bye ba snyed kyi zhing rgal nas/ /skyo mi 'tshal bar mchi bar bgyi/ /rin chen phung
99b₃ po ri rab tsam/ /dga' bzhin du ni phul nas kyang / /sangs rgyas kyi yang lam sbyong ba/ /mdo sde 'di ni mnyan par bgyi/ /de nas bcom ldan 'das kyis de'i tshe rdzu 'phrul mngon par 'du bya ba 'di lta bu mdzad de/ rdzu 'phrul mngon par 'du bya ba ji lta bur mngon par 'dus byas pas bdud
99b₄ sdig to can dpung gi stobs bzhi dang / bcom ldan 'das ga la ba der dong ste lhags pa dang / bcom ldan 'das kyi zhabs la mgo bos phyag 'tshal nas 'di skad ces gsol to/ /bcom ldan 'das bdag cag dpung dang bcas/ g.yog dang bcas pa 'di dag de bzhin gshegs
99b₅ pa'i spyan sngar dam bcas te/ gang na chos kyi rnam grangs 'di rab tu spyod par 'gyur ba'i ljongs kyi phyogs der chos nyan pa dang / chos smra ba dag la bdud kyi las mi bgyid pa'i steng du bsrung ba dang / bskyab pa dang / sba bar yang bgyi'o/ /de nas bcom ldan 'das kyis 'od
99b₆ gser gyi kha dog lta bus sangs rgyas kyi zhing 'di khyab par mdzad de 'jam dpal gzhon nur gyur pa la 'di skad ces bka' stsal to/ /'jam dpal 'di lta ste/ skyes bu dam pa dam pa'i chos yongs su 'dzin pa de dag gi dam pa'i chos yongs su gzung bar bya ba'i phyir chos kyi rnam
99b₇ grangs 'di de bzhin gshegs pas byin gyis brlabs so/ /'jam dpal chos kyi rnam grangs 'di yun ji srid du 'dzam bu gling 'dir spyod par 'gyur ba yun de srid du dam pa'i chos nub par mi 'gyur ro/ /de nas 'khor de dag thams cad dga' mgu rangs yid bde bar gyur

_{iiif viewer powered by OpenSeadragon}

99a - 100a

Texts on this page