rKTs

e-texts navigator

Volume

Page

98a₁ bcom ldan 'das bdag cag rgyal po bzhis bsrung ba dang / bskyab pa dang sba bar bgyi'o/ /de dag grong ngam/ grong khyer ram/ ljongs sam/ ljongs kyi phyogs gang na gnas kyang rung / khyim pa'am/ rab tu byung ba yang rung ste/ bcom ldan 'das bdag cag rgyal po bzhi
98a₂ stobs dang bcas 'khor dang bcas pas rigs kyi bu'am rigs kyi bu mo de dag gi rim gro bgyi bar bdag cag spro'o/ /bsrung ba dang / bskyab pa dang / spro ba dang / spobs pa dang / gzhan gyis gnod par mi bgyi zhing mi gtse bar bgyi ba'i slad du bdag cag spro'o/ /bcom ldan 'das phyogs
98a₃ gang na chos kyi rnam grangs 'di rab tu spyod par 'gyur ba'i sa phyogs der dpag tshad brgya kho ra khor yug tu lha'am/ klu'am/ gnod sbyin nam/ grul bum gyis glags mi rnyed do/ /de nas rgyal po chen po 'phags skyes pos tshigs su bcad pa 'di skad ces gsol to/ /bdag la
98a₄ bu dang gnyen bshes dang / /bran dang 'khor rnams ci mchis pa/ /de dang bdag cag grogs bcas pas/ /bdag po de dag rim gro bgyi/ /de nas rgyal po chen po mig mi bzang gis tshigs su bcad pa 'di skad ces gsol to/ /bdag ni chos kyi rgyal po'i sras/ /chos las skyes pa chos
98a₅ kyi sprul/ /khyod kyi sras gang byang chub tu/ /zhugs pa de dag rim gro bgyi/ /de nas rgyal po chen po yul 'khor srung gis tshigs su bcad pa 'di skad ces gsol to/ /sangs rgyas gsungs pa'i mdo sde 'di/ /gang dag 'dzin par 'gyur ba rnams/ /de dag phyogs bcu rnams su yang / /
98a₆ bdag gis kun tu bsrung bar bgyi/ /de nas rgyal po chen po rnam thos kyi bus tshigs su bcad pa 'di skad ces gsol to/ /gang dag byang chub phyir brtson pa/ /de la ci 'dra 'os pa yi/ /de 'dra'i mchod par bgyi ba ni/ /sems can kun gyis mi nus so/ /de nas bcom ldan 'das la rgyal po
98a₇ chen po rnam thos kyi bu bden pa'i zla ba zhes bya ba des rin po che sna bdun las byas pa'i gdugs gsol nas tshigs su bcad pa 'di skad ces gsol to/ /de bzhin gshegs las bdag nyid kyis/ /chos kyi rnam grangs gzung bar bgyi/ /pha rol la yang bstan par bgyi/ /bdag gi bsam pa de

_{iiif viewer powered by OpenSeadragon}

97b - 98b

Texts on this page