rKTs

e-texts navigator

Volume

Page

96a₁ bcom ldan 'das la lha'i bu dri ma med pa'i tog gis 'di skad ces gsol to/ /bcom ldan 'das gang bdag ni byang chub mi 'tshal/ mi smon/ mngon par mi dga'/ mngon par ma chags/ mi dmigs/ mi sems/ mi rtog rnam par mi rtog na/ ci'i slad du
96a₂ bcom ldan 'das kyis bdag la lung bstan/ bcom ldan 'das kyis bka' stsal pa/ lha'i bu 'di ltar skyes bu la la zhig gis rtswa dang / shing dang / yal ga dang / lo ma dang / 'dab ma dag mer bcug nas 'di skad du rtswa dang / shing dang / yal ga dang / lo ma dang / 'dab ma dag ma
96a₃ tshig ces smras na/ de de'i dbang gis mi 'tshig pa yin no/ /lha'i bu de bzhin du 'di ltar byang chub sems dpa' byang chub la mngon par mi dga'/ mngon par ma chags/ mi dmigs/ mi 'dod/ mi smon/ mi sems/ rnam par mi rtog kyang sangs rgyas thams cad lung ston te/ lha'i bu 'on
96a₄ kyang byang chub sems dpa' gang byang chub la mngon par mi dga'/ mngon par ma chags/ mi dmigs/ mi 'dod/ mi smon/ mi sems/ rnam par mi rtog pa de la de bzhin gshegs pa rnams lung ston to/ /de nas 'khor der lha'i bu lnga brgya tsam gyis bcom ldan 'das la 'di skad ces
96a₅ gsol to/ /bcom ldan 'das bdag cag kyang byang chub la mngon par mi dga'/ mngon par ma chags/ mi dmigs/ mi 'tshal/ mi smon/ mi rtog /rnam par mi rtog na/ ci'i slad du bcom ldan 'das kyis bdag cag bla na med pa yang dag par rdzogs pa'i byang chub tu lung mi bstan/ de
96a₆ nas sangs rgyas kyi mthus steng gi phyogs na steng gi bar snang la sangs rgyas stong phrag brgyad cu rtsa bzhi mthong ste/ de bzhin gshegs pa de dag gis de dag bla na med pa yang dag par rdzogs pa'i byang chub tu lung bstan to/ /de nas bcom ldan 'das la lha'i bu de dag gis 'di skad ces gsol
96a₇ to/ /bcom ldan 'das de bzhin gshegs pas 'di skad du byang chub sems dpa' gang byang chub la mngon par mi dga'/ mngon par ma chags/ mi dmigs/ mi 'dod/ mi smon/ mi sems/ mi rtog rnam par mi rtog pa de byang chub tu lung bstan par 'gyur ro zhes legs par gsungs pa

_{iiif viewer powered by OpenSeadragon}

95b - 96b

Texts on this page