rKTs

e-texts navigator

Volume

Page

91b₁ na/ 'od srung skyes bu dam pa de lta bu dag gi lag nas dam pa'i chos nub par 'gyur ba yod dam/ de dag gi dam pa'i chos nub par khyod kyis mi blta'o/ /'od srung 'di lta ste dper na/ rgya mtsho chen po nor bu rin po che rin po che thams cad 'dus pa zhes bya ba rdo rje tshogs kyi nor bu rin po che
91b₂ chen po zhig yod de/ de nyi ma bdun shar nas tshangs pa'i 'jig rten gyi bar du 'od zer byung yang rin po che de tshig par mi 'gyur te/ gang 'jig rten gyi khams kyi bar gyi sangs rgyas kyi zhing gzhan dag na rgya mtsho chen po yod pa der nor bu rin po che de der 'pho bar 'gyur te/ 'od srung gang nor
91b₃ bu rin po che de rgya mtsho chen po las gzhan du ma 'phos pa dang / 'jig rten gyi khams 'dir tshig par mi 'gyur ba de ni gnas ma yin zhing go skabs med de/ de ni gnas med do/ /'od srung de bzhin du skyes bu dam pa de lta bu de dag kyang dam pa'i chos yongs su zad par 'gyur te/ 'jig rten
91b₄ gnas par dam pa ma yin pa'i chos bdun byung ba'i tshe sangs rgyas kyi zhing gzhan du 'pho bar 'gyur ro/ /bdun gang zhe na/ 'di lta ste/ mu stegs can gyi gnas dang / sdig pa'i grogs pos yongs su zin pa dang / log pa'i sbyor ba dang / gcig la gcig 'tshe ba'i sbyor ba dang / lta
91b₅ bar gyur pa'i thib po dang / dge ba'i rtsa ba 'joms par byed pa dang / ma thob cing mngon par ma rtogs pa ste/ dam pa ma yin pa'i chos bdun po de dag 'jig rten gnas par byung ba de na sems can rnams snod ma yin par shes nas skyes bu dam pa de dag sangs rgyas kyi zhing gzhan du 'pho bar
91b₆ 'gyur te/ sangs rgyas mthong ba dang / dam pa'i chos mnyan pa dang / sems can yongs su smin par bya ba dang / dge ba'i rtsa ba yongs su 'bar ba dang yang mi 'bral bar 'gyur ro/ /'od srung 'di lta ste dper na/ rgya mtsho chen po la brten cing sems can tshad med pa dag gnas so/ /'od srung
91b₇ de bzhin du byang chub sems dpa' la brten cing sems can tshad med pa dag phun sum tshogs pa gsum la gnas so/ /gsum gang zhe na/ lha'i phun sum tshogs pa dang / mi'i phun sum tshogs pa dang / mya ngan las 'das pa'i phun sum tshogs pa'o/ /'od srung 'di lta ste dper na/ rgya

_{iiif viewer powered by OpenSeadragon}

91a - 92a

Texts on this page