| e-texts navigator |
| བོད་ཡིག |
91a1 rgya mtsho chen po'i nang nas rin po che kha cig rin thang yod pa dang / kha cig rin thang med pa dang / kha cig mching bu lta bu dang rnam pa gsum 'byung ste/ 'od srung de bzhin du skyes bu dam pa de dag sems can gyi dbang po ji lta ba bzhin du chos ston pa na yang nyan thos kyi theg
91a2 pa dang / rang sangs rgyas kyi theg pa dang / gang 'og ma theg pa chen po la sems kyi rgyud rnam par 'grol lo/ /'od srung 'di lta ste dper na/ rgya mtsho chen po ni sems can gcig gi ched du mi gnas so/ /'od srung de bzhin du skyes bu dam pa de dag kyang sems can gcig gi don du
91a3 byang chub tu sems mi skyed do/ /'od srung 'di lta ste dper na/ rgya mtsho chen po ni mthar gyis gzhol/ mthar gyis 'bab/ mthar gyis bab pa'o/ /'od srung de bzhin du skyes bu dam pa de dag kyang thams cad mkhyen pa nyid du gzhol/ thams cad mkhyen pa nyid du 'bab/ thams cad mkhyen
91a4 pa nyid du bab pa'o/ /'od srung 'di lta ste dper na/ rgya mtsho chen po ni shi ba'i ro dang lhan cig mi gnas so/ /'od srung de bzhin du skyes bu dam pa de dag kyang nyan thos dang rang sangs rgyas kyi sems dang lhan cig mi gnas so/ /ser sna dang / ngang tshul ngan pa'i sems dang / gnod sems
91a5 dang / le lo'i sems dang / brjed ngas pa dang / 'chal pa'i shes rab kyi sems dang lhan cig mi gnas so/ /bdag dang / sems can dang / srog dang / gang zag dang / skyes bur lta ba dang lhan cig mi gnas so/ /'od srung 'di lta ste dper na/ bskal pas sreg par gyur pa'i tshe/
91a6 klung dang / chu bran dang / chu mig dang / mtshe'u dang / rdzing bu dang / mtsho thams cad sngar skam par 'gyur te/ phyis rgya mtsho chen po zad cing bskams par 'gyur ro/ /'od srung de bzhin du dam pa'i chos nub par 'gyur ba'i tshe nyi tshe bar spyod pa la zhugs pa'i sems can thams cad kyi dam pa'i
91a7 chos sngar nub par 'gyur te/ phyis skyes bu dam pa blo gros rgya mtsho lta bu sangs rgyas kyi theg pa yang dag par 'dzin pa de dag gi lag nas dam pa'i chos nub par 'gyur te/ yang 'od srung skyes bu dam pa de dag ni srog kyang yongs su gtong bar byed kyi dam pa'i chos yongs su gtong bar mi byed
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo