rKTs

e-texts navigator

Volume

Page

90b₁ 'od srung de bzhin du skyes bu dam pa 'di dag la ni gang gi phyir sems can de dag gzhan la chos kyi char pa chen po mi 'bebs par 'gyur ba'i chos kyi ser sna med mod kyi 'on kyang 'di dag chos 'di lta bu dag gi snod du ma gyur te/ de lta bas na skyes bu dam pa de dag rgya mtsho lta bu'i blo
90b₂ mchog dang ldan pa de dag la chos kyi char pa chen po 'bebs so/ /'od srung 'di lta ste dper na char pa'i rgyun shing rta'i srog shing tsam bab pa de dag gis kyang rgya mtsho chen po bri ba yang med/ gang ba yang med do/ /'od srung de bzhin du skyes bu dam pa de dag bskal pa brgyad chos nyan tam
90b₃ 'chad kyang chos gang yang bri ba'am gang bar mi 'gyur ro/ /'di lta ste dper na rgya mtsho chen po der gling chen po bzhi'i klung sna tshogs nas gang chu 'bab pa de dag thams cad 'di lta ste/ lan tshwa'i ror ro gcig par 'gyur ro/ /'od srung de bzhin du skyes bu dam pa de dag rnam grangs
90b₄ sna tshogs su chos bstan pa bshad pa dag thos ma thag tu 'di lta ste/ stong pa nyid kyi ror ro gcig tu mos par 'gyur ro/ /'di lta ste dper na rgya mtsho chen po ni dag pa/ gtsang ba dri ma med pa/ gsal ba/ rnyog pa med pa yin te/ chu rnyog pa can mi 'dzin to/ /'od srung de bzhin
90b₅ du skyes bu dam pa de dag kyang dag pa/ gtsang ba/ dri ma med pa/ gsal ba ste/ gnod sems dang / zhe sdang dang / khro ba dang / 'khon du 'dzin pa thams cad mi 'dzin to/ /'di lta ste dper na rgya mtsho chen po ni zab cing gting dpag dka' ba'o/ /de bzhin du skyes bu dam pa de dag
90b₆ kyang chos kyi tshul zab mo la rab tu zhugs shing / nyan thos dang / rang sangs rgyas thams cad kyi gting dpag dka'o/ /'di lta ste dper na rgya mtsho chen po ni chu tshad med cing rin po che'i tshogs dpag tu med pa'o/ /'od srung de bzhin du skyes bu dam pa de dag kyang shes rab tshad med cing
90b₇ chos rin po che'i tshogs dpag tu med do/ /'od srung 'di lta ste dper na/ rgya mtsho chen po rin po che sna tshogs kyi dbyings so/ /'od srung de bzhin du skyes bu dam pa de dag kyang mngon par bsgrub pa sna tshogs kyis chos rin po che tshad med pa'i dbyings so/ /'od srung 'di lta ste dper na/

_{iiif viewer powered by OpenSeadragon}

90a - 91a

Texts on this page