rKTs

e-texts navigator

Volume

Page

8a₁ yang rab tu shes la phyin ci log nyid du yang rab tu shes/ phyin ci ma log pa nyid yang rab tu shes so/ /de mig gi rnam par shes pa la stong pa nyid dang / gzugs la mi rtag pa nyid du yang rab tu shes so/ /rna ba'i rnam par shes pa la stong pa nyid dang /
8a₂ sgra la mi rtag pa nyid dang / sna'i rnam par shes pa la stong pa nyid dang / dri la mi rtag pa nyid dang / lce'i rnam parashes pa la stong pa nyid dang / ro la mi rtag pa nyid dang / lus kyi rnam par shes pa la stong pa nyid dang / reg bya la mi rtag pa nyid du yang rab tu shes
8a₃ so/ /de de ltar shes rab la mkhas pas shin tu rtogs pa'i shes rab dang ldan zhing shes rab rno ba dang ldan te/ mi dge ba'i chos rnams kyang rab tu shes/ dge ba'i chos rnams kyang rab tu shes/ nyan thos yang dag par 'grub par byed pa'i chos rnams kyang rab tu shes/
8a₄ rang sangs rgyas yang dag par 'grub par byed pa'i chos rnams dang / byang chub sems dpa' yang dag par 'grub par byed pa'i chos rnams dang / sangs rgyas nyid yang dag par 'grub par byed pa'i chos rnams kyang rab tu shes so/ /de mi dge ba'i chos rnams kyis rnam
8a₅ par smin pa chung ngu dang / 'bring dang / chen po sems can dmyal ba rnams dang / dud 'gro rnams dang / /rnams su skye ba yang rab tu shes so/ /der skyes pa rnams kyi tshor ba chung ngu dang / 'bring dang / chen po yang rab tu shes so/ /dge ba'i chos
8a₆ rnams kyi rnam par smin pa chung ngu dang / 'bring dang / chen po lha rnams kyi nang du'am/ mi rnams kyi nang du smin pa yang rab tu shes so/ /der skyes pa rnams kyi 'bras bu chung ngu dang / 'bring dang / chen po yang rab tu shes so/ /nyan thos yang dag par
8a₇ 'grub par byed pa'i chos rnams kyi rgyun du zhugs pa'i 'bras bu mngon du bya ba dang / lan cig phyir 'ong ba'i 'bras bu mngon du bya ba dang / phyir mi 'ong ba'i 'bras bu mngon du bya ba dang / dgra bcom pa nyid kyi 'bras bu mngon du bya ba'i rnam pa yang rab tu shes so/ /

_{iiif viewer powered by OpenSeadragon}

7b - 8b

Texts on this page