rKTs

e-texts navigator

Volume

Page

88a₁ bu chu bo'i gser dang / rin po che gnyis kyi gzhir 'gyur ro/ /de'i byang chub sems dpa' dge 'dun 'ba' zhig 'byung ste bdud dang phyir rgol ba bcom zhing dpa' bo sha stag go/ /sangs rgyas kyi zhing de na bza' ba dang / btung ba yang bsam pa tsam gyis 'byor cing
88a₂ dga' ldan gyi longs spyod dang 'dra bar 'gyur ro/ /de bzhin gshegs pa de tshe dpag tu med cing ltung ba med pa'i chos ston par 'gyur/ khyad par sems kyis smras pa/ lha'i bu khyod de bzhin gshegs pas lung bstan to/ /smras pa/ tshangs pa bdag ni de bzhin nyid dang /
88a₃ chos kyi dbyings ji lta ba bzhin du lung bstan to/ /smras pa/ lha'i bu de bzhin nyid dang / chos kyi dbyings ni lung mi bstan to/ /smras pa/ ji ltar de bzhin nyid dang / chos kyi dbyings lung mi bstan pa bzhin du byang chub sems dpa' thams cad la lung bstan pa yang de ltar blta'o/ /
88a₄ smras pa/ lha'i bu de 'ang da khyod de ltar de bzhin gshegs pas lung bstan pas na khyod sngon gyi yang dag par rdzogs pa'i sangs rgyas rnams kyi drung du tshangs par spyad pa la gnas pa ni don med pa ma yin no/ /smras pa/ tshangs pa gang gnas med pa de ni tshangs par spyod pa la gnas
88a₅ pa'o/ /smras pa/ lha'i bu de ltar gang la gnas pa med pa de ni tshangs par spyad pa la gnas pa yin/ smras pa/ tshangs pa gang khams gsum la mi gnas pa de ni tshangs par spyad pa la gnas pa'o/ /tshangs pa gang yang khams gsum la gnas pa de ni tshangs par spyad pa la
88a₆ gnas pa ma yin no/ /gzhan yang tshangs pa gang bdag la mi gnas/ sems can dang / srog dang / gang zag la mi gnas pa de ni tshangs par spyod pa la gnas pa yin te/ tshangs pa mdor na gang chos thams cad la mi gnas pa de ni tshangs par spyod pa la gnas pa'o/ /smras pa/
88a₇ lha'i bu tshangs par spyod pa la gnas pa zhes bya ba de gang gi tshig yin/ smras pa/ tshangs par spyod pa la gnas zhes bya ba ni tshangs pa gnyis su med pa'i lam la rab tu gnas pa'i tshig so/ /smras pa/ lha'i bu lam la rab tu gnas pa yang ci la rab tu gnas

_{iiif viewer powered by OpenSeadragon}

87b - 88b

Texts on this page