rKTs

e-texts navigator

Volume

Page

87a₁ bcom ldan 'das 'dzum pa mdzad pa de'i tshe 'od zer kha dog sna tshogs 'di lta ste/ mthing ga dang / ser po dang / dmar po dang / dkar po dang / le brgan dang / shel dang / dngul gyi kha dog lta bu zhal nas byung ste/ 'jig rten gyi khams mtha' yas pa khyab par byas
87a₂ nas tshangs pa'i 'jig rten gyi bar du mngon par 'phags te phyir log nas/ bcom ldan 'das la lan gsum bskor ba byas nas bcom ldan 'das kyi spyi bor mi snang bar gyur to// //bam po drug pa ste tha ma/ de nas bcom ldan 'das la tshangs pa khyad par sems kyis
87a₃ tshigs su bcad pa 'di dag gis mngon par bstod do/ /ye shes kun mchog pha rol phyin cing thub pa kun mkhyen kun zil gnon/ /'di la dus gsum sems can spyod pa sna tshogs ci mchis khyod kyis mkhyen/ /gang de shin tu grol ba'i blo yul gang yang de dag bsam pa rnams/ /
87a₄ lha yi gtso bo kun mkhyen 'dzum mdzad 'di yi rgyu ni lung bstan gsol/ /nyan thos rang rgyal dgra bcom dri med de dag gis yang spyod yul min/ /sangs rgyas ye shes bsam mi khyab cing mtha' bral khyod la chags pa med/ /khyod kyis sems can spyod pa sems can gang la ci
87a₅ 'dra'i gtam brjod mkhyen/ /smra mchog thub dka' tshig dbang 'dzum pa mdzad pa'i rgyu ni bstan par gsol/ /'od 'di shin tu yid 'ong sdug pa dri med rab tu rnam par mdzes/ /nyi zla'i 'od dang de bzhin tshangs pa dbang po'i gzi yang zil gyis gnon/ /de bzhin khor yug khrag khrig
87a₆ ri rab dag kyang shin tu snang bgyis na/ /ci slad khyod kyis 'dzum mdzad de yi rgyu ni rab tu bstan par gsol/ /'dod chags zhe sdang dregs la sogs pa zug rngu bral zhing rab tu zhi/ /'jig rten lha mi lto 'phye'i tshogs rnams byams pas bdag po khyod zhal lta/ /bde gshegs
87a₇ bltas kyang mi ngoms lus ni rab tu sim zhing bde bar 'gyur/ /gang gi slad du 'dzum pa 'di bstan thub pa bdag cag rnams la gsungs/ /khyod kyis chos rnams nam mkha' lta bur rtag tu byed med gsog nyid dang / /glog dang sprin 'dra sgyu ma lta bur gsob nyid dbu ba lta bu dang / /rmi

_{iiif viewer powered by OpenSeadragon}

86b - 87b

Texts on this page