rKTs

e-texts navigator

Volume

Page

86b₁ seng ge'i sgra zhes bya'o/ /'di ni mi skrag par bstan pa ste/ de'i phyir seng ge'i sgra zhes bya'o/ /kau shi ka gang chos thams cad mi skye ba dang / mi 'gog pa dang / mi 'thob par sgom pa'i phyir chos ston pa de dag gi seng ge'i sgra yin te/ gang kun nas nyon mongs pa dang / rnam par byang
86b₂ ba dang / kun tu sbyor ba dang 'bral bar bya ba'i phyir chos ston pa de dag la seng ge'i sgra med do/ /kau shi ka seng ge'i sgra zhes bya ba ni 'di lta ste/ mgo gcig tu bstan pa/ chos thams cad gang zag med pa/ bdag med pa yin no/ /kau shi ka seng ge'i sgra seng ge'i sgra zhes bya ba ni 'di lta
86b₃ ste/ mgo gcig tu chos thams cad stong pa nyid dang / mtshan ma med pa dang / smon pa med pa yongs su ston pa ni seng ge'i sgra'o/ /dam pa'i chos bsrung ba'i phyir tshig smra ba ni seng ge'i sgra'o/ /'di lta ste/ sems can thams cad rab tu thar bar bya ba'i phyir sangs rgyas su
86b₄ gyur cig ces byang chub tu sems bskyed pa'i tshig smra ba ni seng ge'i sgra'o/ /longs spyod rung ba la chog shes par smra ba ni seng ge'i sgra'o/ /kau shi ka seng ge'i sgra seng ge'i sgra zhes bya ba ni 'di lta ste/ dgon par gnas pa dang / yang dag par len pa dang / gtong ba sngon du 'gro ba
86b₅ ni seng ge'i sgra'o/ /tshul khrims yang dag par blangs pa mi 'dor ba ni seng ge'i sgra'o/ /mdza' ba dang mi mdza' ba la sems mnyam pa ni seng ge'i sgra'o/ /brtson pa mi 'dor ba ni seng ge'i sgra'o/ /nyon mongs pa spong ba ni seng ge'i sgra'o/ /shes rab kyis shin tu brtags pa ni
86b₆ seng ge'i sgra'o/ /seng ge'i sgra bstan pa 'di bshad pa'i tshe stong gsum gyi stong chen po'i 'jig rten gyi khams rnam pa drug tu g.yos so/ /sil snyan brgya stong du ma ma brdungs par sgra 'byin to/ /'jig rten rnams snang ba chen pos khyab par gyur to/ /lha'i bu brgya stong a la la zhes
86b₇ sgra 'byin cing tshig 'di skad ces smras so/ /e ma'o deng 'dir lha'i bus seng ge'i sgra 'di bsgrags pas 'dzam bu gling du chos kyi 'khor lo bskor ba lan gnyis byung ngo / /de nas bcom ldan 'das kyis de'i tshe 'dzum pa mdzad pa dang / chos nyid kyis 'di ltar 'gyur te/ nam sangs rgyas

_{iiif viewer powered by OpenSeadragon}

86a - 87a

Texts on this page