rKTs

e-texts navigator

Volume

Page

86a₁ nga rgyal can rnams kyang tshar bcad par 'gyur la/ nga rgyal ma mchis pa kun 'tshal ba lan ldon pa de ltar spobs so/ /ji ltar bdud kyis glags mi rnyed pa de ltar spobs so/ /gang de ltar nyan pa de dag kyang bdud kyi las las 'das par 'gyur ro/ /ji ltar dge
86a₂ ba'i rtsa ba ma bskyed pa rnams bskyed pa dang / dge ba'i rtsa ba skyes pa rnams chab mi 'tshal ba dang / nyon mongs pa skyes pa rnams spong ba dang / ma skyes pa rnams mi skyed pa de ltar spobs so/ /ji ltar byang chub sems dpa' go cha ma bgos pa rnams go cha 'tshal ba dang / go cha
86a₃ bgos pa rnams mi ldog par 'gyur ba de ltar spobs so/ /ji ltar dam pa'i chos mi 'chad cing dam pa'i chos yongs su gzung bar bgyid pa de ltar spobs so/ /ji ltar sangs rgyas kyi chos thams cad yongs su rdzogs par 'gyur ba de ltar spobs so/ /bcom ldan 'das de lta
86a₄ bu'i spobs pas ni mu stegs kyi gnas thams cad gzhom par nus so/ /de ci'i slad du zhe na/ bcom ldan 'das wa ni seng ge'i sgra bzod par yang mi nus na rab tu sgrog par lta ga la nus te/ bcom ldan 'das de bzhin du pha rol rgol ba thams cad kyis bla na med pa seng ge'i
86a₅ sgra bzod par mi nus so/ /de nas lha'i bu phyir mi ldog pas lha'i dbang po brgya byin la 'di skad ces smras so/ /kau shi ka seng ge'i sgra seng ge'i sgra zhes bya ba ji tsam gyis na seng ge'i sgra zhes bya/ smras pa/ lha'i bu chos gang la yang mngon par ma chags par brjod pa de dag seng ge'i sgra
86a₆ yin no/ /gang de lta bu la mngon par chags par brjod pa de dag ni seng ge'i sgra ma yin te wa'i sgra'o/ /gang lta ba kun tu slong ba ston pa de dag la seng ge'i sgra med do/ /lha'i dbang po brgya byin gyis smras pa/ lha'i bu khyod seng ge'i sgra ji lta bu yin pa spobs par gyis shig /smras
86a₇ pa/ kau shi ka gang de bzhin gshegs pa la yang mngon par ma chags par ston na chos ngan pa gzhan lta ci smos te/ de'i phyir seng ge'i sgra zhes bya'o/ /yang dag pa'i nan tan ni seng ge'i sgra ste/ de'i phyir seng ge'i sgra zhes bya'o/ /'di ni mgo gcig tu bstan pa yin te/ de'i phyir

_{iiif viewer powered by OpenSeadragon}

85b - 86b

Texts on this page