rKTs

e-texts navigator

Volume

Page

85b₁ sngon bdag ma mthong ngo / /smras pa/ sangs rgyas kyi zhing 'di ni blta'o zhe'am/ mi lta'o zhes rtog pa'am/ rnam par rtog pa med do/ /smras pa/ tshangs pa bdag sngon mthong ngo zhe'am/ sngon ma mthong ngo zhes bdag kyang mi rtog rnam par mi rtog go/ /smras pa/ lha'i bu sngon ma
85b₂ mthong ba mthong ba su smras pa/ byis pa so so'i skye bo thams cad kyis ni 'phags pa'i nges par 'jug pa sngon ma mthong ngo / /tshangs pa nam yang dag par nges par zhugs pa de ni sngon ma mthong ba mthong ngo / /nges pa de ni mig gi rnam par shes pas shes pa ma yin/ rna ba dang / sna
85b₃ dang / lce dang / lus dang / yid kyi rnam par shes pas shes par bya ba ma yin te/ de bzhin nyid ji lta ba de bzhin du blta bar bya'o/ /mig gi de bzhin nyid ji lta ba dang / rna ba'i de bzhin nyid ji lta ba dang / sna'i de bzhin nyid ji lta ba dang / lce'i de bzhin nyid ji lta ba dang / lus kyi de
85b₄ bzhin nyid ji lta ba dang / yid kyi de bzhin nyid ji lta ba de bzhin du blta ste/ gang de ltar mthong ba de dag ni yang dag par mthong ba'o/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das ded dpon nor bu rin po che'i gling du phyin
85b₅ pa'i mig sngar ni nor bu rin po che 'ba' zhig gda'o/ /de bzhin du bcom ldan 'das skyes bu dam pa bsam gyis mi khyab pa'i chos rin po che dang ldan pa rnams ci dang ci spobs pa de dag gis de thams cad chos rin po che nyid du spobs so/ /de nyid yang dag pa'i mtha' yongs su gsal
85b₆ bar bgyid par spobs so/ /'di ltar de dag la bdag tu mngon par chags pa ma mchis/ chos su mngon par chags pa ma mchis/ sems can du mngon par chags pa ma mchis pa'i slad du'o/ /de'i slad du ji ltar ma log pa dang phyin ci ma log par spobs pa de de ltar spobs
85b₇ so/ /ji ltar sngon gyi mtha' yang spyod pa dang / phyi ma'i mtha' yang mi dmigs pa dang / da ltar byung ba la yang de lta ba ma mchis pa de ltar spobs so/ /ji ltar ma mos pa rnams kyang mos par bgyid la mos pa rnams kyang rnam par 'grol ba de de ltar spobs so/ /mngon pa'i

_{iiif viewer powered by OpenSeadragon}

85a - 86a

Texts on this page