| e-texts navigator |
| བོད་ཡིག |
84b1 la dbang bskur ba'o/ /de dang de dag ni chos kyi mig thob bo/ /de dag gis chos kyi de bzhin nyid mthong ngo / /de dag gis chos thams cad stong par shes so/ /de dag ni snying rje chen po la rab tu gnas pa'o/ /de dag ni byams pa chen po la yang dag par zhugs pa'o/ /de dag ni sems can
84b2 thams cad mi gtong ba'o/ /de dag ni theg pa dman pa la rgyab kyis bltas pa'o/ /de dag ni theg pa chen po la mngon du phyogs pa'o/ /de dag gis ni phyin ci log spangs so/ /de dag ni mnyam pa nyid la nye ba'o/ /de dag ni byang chub sems dpa'i nges pa la zhugs pa'o/ /de dag ni
84b3 byang chub kyi snying po la gnas pa'o/ /de dag gis bdud kyi sde rnams btul lo/ /de dag gis thams cad mkhyen pa nyid khong du chud do/ /de dag ni chos kyi 'khor lo rab tu bskor bar 'gyur ro/ /de dag ni sangs rgyas kyi bya ba byed par 'gyur ro/ /grogs po dag gang chos 'di la nan
84b4 tan du byed pa'i skyes bu dam pa de dag gi bsngags pa ngas bskal pa'am/ bskal pa las 'das par bshad kyang chos 'di la nan tan byed pa'i skyes bu dam pa de dag gi bsngags pa'i mthar mi phyin te/ de bzhin gshegs pa ltar spobs pa phun sum tshogs par 'gyur ro/ /de nas 'khor
84b5 de nyid du lha'i bu phyir mi ldog pa zhes bya ba 'dus par gyur te 'dug go/ /de nas bcom ldan 'das la lha'i bu phyir mi ldog pas 'di skad ces gsol to/ /bcom ldan 'das chos kyi nan tan chos kyi nan tan zhes bgyi ba bcom ldan 'das ji tsam gyis na chos kyi nan tan zhes bgyi/ bcom
84b6 ldan 'das kyis bka' stsal pa/ lha'i bu chos kyi nan tan zhes bya ba ni gang chos thams cad la nan tan med pa 'di ni chos kyi nan tan no/ /de ci'i phyir zhe na/ gang chos rnams la nan tan du mi byed de/ de chos thams cad mi byed rnam par mi byed do/ /gang mi byed rnam par mi byed pa 'di ni chos
84b7 kyi nan tan no/ /gang dge ba la'ang mi 'jug /mi dge ba la'ang mi 'jug pa 'di ni chos kyi nan tan no/ /de bzhin du bsdus te/ 'jig rten pa la'ang ma yin/ 'jig rten las 'das pa la ma yin/ zag pa dang bcas pa la ma yin/ zag pa med pa la ma yin/ kha na ma tho ba dang bcas
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo