rKTs

e-texts navigator

Volume

Page

81b₁ byang chub ni smon pa ma mchis pa/ dus gsum las 'das pa/ nye bar mi mchi ba lags te/ bcom ldan 'das byang chub sems dpa' gang 'du shes gnyis su bgyis nas byang chub kyang gzhan la 'khor ba yang gzhan no/ /byang chub kyang gzhan la lta bar gyur pa yang gzhan no/ /byang chub
81b₂ kyang gzhan la mya ngan las 'das pa yang gzhan no zhes smon par bgyid na byang chub sems dpa' de dag ni byang chub la spyod pa ma lags so/ /de nas tshangs pa khyad par sems kyis 'jam dpal gzhon nur gyur pa la 'di skad ces smras so/ /'jam dpal byang chub sems dpa' ji ltar spyod
81b₃ na byang chub la spyod pa yin/ smras pa/ tshangs pa byang chub sems dpa' gang chos thams cad la yang spyod la chos gang la yang mi spyod na byang chub sems dpa' de byang chub la spyod de/ tshangs pa spyad pa yul las 'das pa'i byang chub sems dpa' ni byang chub tu spyod do/ /smras pa/ 'jam
81b₄ dpal ji ltar na byang chub sems dpa' spyad pa'i yul las 'das pa byang chub la spyod/ smras pa/ dmigs pa'i mtshan ma thams cad dang bral zhing mig dang / rna ba dang / sna dang / lce dang / lus dang / yid dang bral ba de ltar na spyad pa'i yul thams cad las shin tu 'das pa yin no/ /smras pa/
81b₅ 'jam dpal yang dag par 'das pa zhes bya ba ci la bsam/ smras pa/ mnyam pa nyid las mi 'da' ba'o/ /de ci'i phyir zhe na/ tshangs pa byang chub ni chos thams cad kyi mnyam pa nyid do/ /smras pa/ 'jam dpal byang chub sems dpas ji ltar na byang chub tu 'jug par bya/ smras pa/ byang chub
81b₆ ji lta ba bzhin du'o/ /smras pa/ byang chub ji lta bu yin/ smras pa/ tshangs pa byang chub de ni 'das pa yang ma yin/ ma 'ongs pa yang ma yin/ da ltar byung ba yang ma yin te/ de bas na byang chub sems dpas dus gsum yongs su dag pa'i rnam pa dang / 'khor gsum yongs su dag
81b₇ pas byang chub tu yang dag par 'jug par bya'o/ /'das pa ji lta ba dang / ma 'ongs pa ji lta ba dang / da ltar byung ba ji lta ba dang / ma byung ba ji lta ba dang / ma byung ba gang yin pa de la rab tu dbye ba med de/ gang de ltar rab tu zhugs pa de gang la yang zhugs pa med do/ /de ci'i phyir zhe na/

_{iiif viewer powered by OpenSeadragon}

81a - 82a

Texts on this page