rKTs

e-texts navigator

Volume

Page

7a₁ kyang mi dmigs so/ /gang gis mnyam par 'jog pa de yang mi dmigs so/ /gang gi phyir mnyam par 'jog pa de yang mi dmigs so/ /de 'di snyam du sems te/ kye ma byis pa so so'i skye bo 'di dag ni gsog gi chos rnams dang / gsob
7a₂ kyi chos rnams la mngon par zhen to snyam du sems te/ 'di ni byang chub sems dpa' lhag mthong zhes bya'o/ /de ltar rnam par mthong bas nyon mongs pa rnams kun tu mi 'byung zhing mi 'jug pa de ni byang chub sems dpa' zhi gnas zhes bya'o/ /tshangs pa gzhan
7a₃ yang byang chub sems dpa' gcig pu dben par 'dug ste nang du yang dag bzhag nas ming dang yi ge ji ltar thos pa rnams nges pa'i tshig gi gdags pas yang dag par 'jog cing yi ge de dag la nye bar rtogs te/ de de ltar nye bar rtogs pa na yi ge rnams gsog dang gsob tu
7a₄ mthong ngo / /de yi ge rnam pa gsog dang gsob tu mthong nas ming rnams kyang gsog dang gsob tu mthong ngo / /gang la ming de 'dogs pa de yang gsog dang gsob tu mthong ngo / /de la gzugs gang dang gang snang ba de dang de yang gsog dang gsob tu mthong ngo / /de gsog
7a₅ dang gsob tu mthong bas yang dag par ji lta ba bzhin du yongs su shes par 'gyur ro/ /yang dag par ji lta ba bzhin yongs su shes pas de la 'dus byas rmi lam dang 'dra bar snang ngo / /de la byang chub sems dpa' so sor brtags nas sems can la lta bas snying rje
7a₆ chen po'i sems nye bar bzhag nas gnas so/ /de 'chal pa'i shes rab kyi sems gdul ba'i phyir shes rab sgom par byed do/ /ji ltar sgom par byed ce na/ de kun rdzob kyi tshul du bshad pa 'am don dam pa'i tshul du bshad pa'i mdo sde gang dag yin pa de dag brjod pa
7a₇ gsal zhing zur phyin pa dag gis ma nor bar 'dzin to/ /ma nor bas chos ston pa las bzung nas kyang / /ma nor ba'i bsam pas sems par byed do/ /sgom pa'i rnal 'byor la yang brtson par byed do/ /de ye shes kyi stobs dang shes rab kyi bye brag gis sems can mi

_{iiif viewer powered by OpenSeadragon}

6b - 7b

Texts on this page