rKTs

e-texts navigator

Volume

Page

79a₁ pa'i spyod yul min/ /ye shes de yang yul gnas dang / /phyogs la gnas pa mi thob bo/ /sangs rgyas ye shes chags med de/ /chos dang chos la chags mi byed/ /byang chub tu ni gang gzhol ba/ /de bzhin de dag chags mi byed/ /sbyin pas mngon par rtag tu
79a₂ 'phags/ /sems dul dul la rab tu dga'/ /de dag ma lus gtong ba na/ /zhen pa'i sems ni yong med do/ /chos ni gtong bar mi nus te/ /gzung bar yang ni mi nus so/ /de ltar chos rnams thams cad la/ /bdag gi dngos po yod ma yin/ /chos rnams thams cad ma mchis
79a₃ shing / /grol ba'ang med par gang gis shes/ /gang la lta ba med pa ste/ /de ni sbyin bdag chen po yin/ /nga dang nga yir lta ba gang / /de la de dag yong med de/ /de phyir de dag gtong ba na/ /dngos po ci la'ang rten mi 'gyur/ /sbyin pa gtong ba thams cad kyang / /byang chub la
79a₄ ni sngo bar byed/ /byang chub la ni sbyin pa yi/ /gnyis su 'du shes mi bskyed do/ /'du byed med pa'i tshul khrims la/ /rtag par shin tu gnas par 'gyur/ /tshul khrims la yang bdag gnas shes/ /de dag la ni rlom sems med/ /tshul khrims dag ni ma byas shing / /ma skyes par
79a₅ yang mkhas pas shes/ /de phyir de yi tshul khrims ni/ /rab dag dri med nam mkha' bzhin/ /lus ni gzugs brnyan nyid dang 'dra/ /ngag ni brag ca ji bzhin te/ /sems kyang sgyu ma 'drar rig nas/ /de dag tshul khrims mi snyems so/ /de dag zhi zhing rab tu zhi/ /nye bar zhi zhing
79a₆ mnyam par gzhag / sdig pa thams cad zhi byed cing / /rab tu zhi ba'i pha rol song / /ngang tshul ngan dang tshul khrims ni/ /gnyis su bya ba de la med/ /chos kyi dbyings ni yongs shes nas/ /de yi tshul khrims zag pa med/ /bzod pa'i pha rol rab phyin cing / /nyes byas thams cad
79a₇ bzod par byed/ /de ltar sems can thams cad la/ /de yi 'du shes mnyam par 'jug /chos rnams thams cad mi gnas te/ /skad cig 'joms pas 'jig par 'gyur/ /'di la gang yang gshe ba med/ /'di la gang yang phyag 'tshal med/ /lus rnams gshags shing bcad na

_{iiif viewer powered by OpenSeadragon}

78b - 79b

Texts on this page