rKTs

e-texts navigator

Volume

Page

77b₁ rten gyi mtshan nyid de zad par 'gyur ram/ smras pa/ 'jam dpal 'jig rten gyi mtshan nyid zad par mi 'gyur ro/ /smras pa/ 'o na nga ji ltar 'jig rten zad pa'i mtshan nyid kyis rab tu phye ba yin/ smras pa/ 'jam dpal gang shin tu zad pa de ni zad par mi 'gyur ro/ /de ci'i phyir zhe
77b₂ na/ gang zad pa de ni zad par mi 'gyur ba'i phyir ro/ /smras pa/ tshangs pa de bzhin gshegs pas 'dus byas zad pa'i chos can du ma gsungs sam/ smras pa/ 'jam dpal zad pa'i chos nyid gang yin pa de nam yang zad par mi 'gyur te/ de bas na de bzhin gshegs pas 'dus
77b₃ byas zad pa'i chos can no zhes gsungs so/ /smras pa/ tshangs pa gang gis 'dus byas kyi grangs su 'gro/ smras pa/ 'jam dpal zad pa'i chos nyid kyis 'dus byas so zhes bya ba'i grangs su 'gro'o/ /smras pa/ tshangs pa 'dus byas ci la gnas/ smras pa/ 'dus ma
77b₄ byas kyi rang bzhin la gnas so/ /smras pa/ tshangs pa 'dus byas dang / 'dus ma byas kyi chos rnams la tha dad du bya ba ci yod/ smras pa/ 'jam dpal 'dus byas dang / 'dus ma byas kyi chos rnams la tha dad du bya ba ni tha snyad do/ /de ci'i phyir zhe na/ tha snyad kyis 'di ni 'dus byas
77b₅ so/ /'di ni 'dus ma byas so zhes bstan to/ /yang 'dus byas kyi chos nyid gang yin pa de ni 'dus ma byas kyi chos nyid kyang de yin te/ chos nyid la tha dad du bya ba med do/ /smras pa/ tshangs pa chos nyid ces bya ba 'di gang gi tshig yin/ smras pa/ 'jam dpal chos
77b₆ nyid ces bya ba ni 'dus ma byas dang bye brag med par gyur pa'i chos rnams kyi tshig so/ /smras pa/ tshig zhes bya ba'i don ci/ smras pa/ pha rol rnam par rig par bya ba'i ched du bstan pas na 'di ni de'i phyir tshig zhes bya'o/ /de ci'i phyir zhe na/ tshig
77b₇ thams cad ni lhag par byed pas sgro 'dogs pa yin te/ de'i phyir de bzhin gshegs pa sgro mi 'dogs shing lhag par yang mi mdzad la ston pas na de ni lhag pa'i tshig ces bya'o/ /yang 'jam dpal tshig thams cad tshig ma yin pas na de'i phyir sangs rgyas kyi tshig ni brjod du med pa zhes bya'o/ /

_{iiif viewer powered by OpenSeadragon}

77a - 78a

Texts on this page