rKTs

e-texts navigator

Volume

Page

77a₁ bcom ldan 'das mngon par brtson pa ni byang chub lags so/ /de nas 'jam dpal gzhon nur gyur pas bram ze shing sA la chen po lta bu'i bu mnyam par gnas pa la 'di skad ces smras so/ /ji ltar na byang chub sems dpa' mngon par brtson pa mngon par brtson pa
77a₂ zhes bya/ smras pa/ byang chub sems dpas ji ltar brtson par byas pas mngon par rtogs pa 'thob par 'gyur ba ste 'di ni mngon par brtson pa'o/ /smras pa/ yang ji ltar mngon par brtson pas mngon par rtogs pa 'thob par 'gyur/ smras pa/ gang chos gang la yang rnam par
77a₃ mi rtog na de ltar mngon par brtson pas mngon par rtogs pa 'thob par 'gyur ro/ /smras pa/ ji ltar na mngon par rtogs pa mngon par rtogs pa yin/ smras pa/ mnyam pa nyid gang gis chos thams cad mnyam par mthong ba ni de ltar na mngon par rtogs pa mngon par rtogs pa
77a₄ yin no/ /smras pa/ rigs kyi bu mnyam pa nyid mthong bar rung ngam/ smras pa/ mi rung ngo / /smras pa/ gal te mi rung na mi mnyam par 'gyur te/ mnyam par mi rung ngo / /khyad par sems kyis smras pa/ 'jam dpal gang mnyam pa nyid kyis chos thams cad mi mthong ba 'di ni mngon
77a₅ par rtogs pa zhes bya'o/ /'jam dpal gyis smras pa/ tshangs pa ci'i phyir mi mthong / smras pa/ gnyis dang bral ba'i phyir mi mthong ngo / /'jam dpal mi mthong ba ni yang dag par mthong ba yin no/ /smras pa/ tshangs pa sus 'jig rten gyi mnyam pa nyid mthong / smras pa/ de
77a₆ bzhin gshegs pas so/ /smras pa/ ji ltar gzigs/ smras pa/ ji ltar gzugs kyi de bzhin nyid las gzhan du ma mdzad pa dang / tshor ba dang / 'du shes dang / 'du byed dang / rnam par shes pa'i de bzhin nyid las gzhan du ma mdzad pa'o/ /'jam dpal phung po lnga'i de bzhin
77a₇ nyid ji lta ba bzhin du gzigs pa 'di ni 'jig rten la yang dag par gzigs pa'o/ /smras pa/ tshangs pa 'jig rten gang gis rab tu phye smras pa/ zad pa'i mtshan nyid kyis rab tu phye'o/ /smras pa/ gal te 'jig rten zad pa'i mtshan nyid kyis rab tu phye ba yin na tshangs pa ci 'jig

_{iiif viewer powered by OpenSeadragon}

76b - 77b

Texts on this page