rKTs

e-texts navigator

Volume

Page

76b₁ lan ldon par gyur te/ gcig gi yang mthar ma phyin/ gnyis po'i yang mthar ma phyin to/ /de nas de bzhin gshegs pa de steng gi nam mkha' la bzhugs nas de gnyis la 'di skad ces bka' stsal to/ /rigs kyi bu mchog go/ /smra bas rtsod par ma byed cig /smra bas rtsod pa ma skyed
76b₂ cig / smra ba thams cad ni brag ca dang mtshungs te/ sgra ji 'dra ba de bzhin du sgra brnyan yang de bzhin no/ /khyod kyi spobs pa so so'i yang dag par rig pa mi zad pa mngon par bsgrub pa khong du chud do/ /khyed 'dod na dris pa 'di'i don bskal pa'am/ bskal pa las lhag par yang
76b₃ lan ldon zhing khyed kyi spobs pa'i mthar phyin par yang mi 'gyur mod kyi sangs rgyas kyi tshig ni nye bar zhi ba yin te/ zhi ba rab tu zhi ba/ nye bar zhi ba/ yi ge med pa'i don to/ /don ni brjod du med pa ste/ ji tsam du brjod pa de tsam du don med pa'o/ /don la rton pa yi ge la ma rton
76b₄ cig ces de gnyis de bzhin gshegs pa des bskul bar rig nas cang mi smra bar gyur to/ /rigs kyi bu rnam grangs 'dis kyang 'di ltar 'dod na byang chub sems dpa' dag bskal pa brgya stong ngam/ de las lhag par yang spobs pas bstan pa ston par rig par bya'o/ /rigs kyi
76b₅ bu de'i tshe de'i dus na byang chub sems dpa' gnyis byung ba gzhan yin par 'dzin pa khyod kyis de ltar mi blta'o/ /de ci'i phyir zhe na/ 'jam dpal gzhon nur gyur pa 'di de'i tshe byang chub sems dpa' blo gros mi zad pa zhes bya bar gyur to/ /mnyam par gnas pa khyod kyang de'i tshe de'i
76b₆ dus na byang chub sems dpa' khyad par blo gros zhes bya bar gyur to/ /de'i tshe de'i dus na tshangs pa chen po khyad par sems 'di ni tshangs pa 'od zer bzang po zhes bya bar gyur to/ /de nas bcom ldan 'das la bram ze shing sA la chen po lta bu'i bu mnyam par gnas pas 'di skad ces
76b₇ gsol to/ /bcom ldan 'das gang 'di mngon par brtson pa de bgyid pa'i brtson 'grus brtsam pa de la de bzhin gshegs pa rnams kyi byang chub ni don chen po 'thob par 'gyur te/ mngon par mi brtson pa rnams la ni sangs rgyas bcom ldan 'das brgya stong gis kyang ci zhig bgyi/

_{iiif viewer powered by OpenSeadragon}

76a - 77a

Texts on this page