rKTs

e-texts navigator

Volume

Page

75b₁ ba zhes bya'o/ /rigs kyi bu 'di lta ste dper na/ nam mkha' bla gab med pa kun nas nyon mongs par 'gyur ba ni gnas ma yin zhing go skabs med de/ rigs kyi bu de bzhin du sems kyi rang bzhin yang kun nas nyon mongs par gyur pa ni gnas ma yin zhing go skabs med do/ /rigs
75b₂ kyi bu 'di lta ste dper na/ nam mkha' la sprin gyi phung po'am/ du ba'am/ rdul dag byung ste/ des nam mkha' mi mdzes shing lham me lhang nger mi 'gyur mod kyi de dag gis nam mkha'i rang bzhin kun nas nyon mongs par mi 'gyur ro/ /gal te nam mkha' kun nas nyon mongs su
75b₃ zin na shin tu rnam par dag par mi 'gyur te/ 'di ltar kun nas nyon mongs par mi 'gyur bas na de'i phyir nam mkha' zhes rab tu dbye'o/ /rigs kyi bu de bzhin du byis pa so so'i skye bo tshul bzhin ma yin pa yid la byed pa dang ldan pa rnams kyi nyon mongs pa skyed mod kyi de dag
75b₄ gis sems kyi rang bzhin kun nas nyon mongs par mi 'gyur ro/ /gal te kun nas nyon mongs par 'gyur na ni shin tu rnam par dag par mi 'gyur te/ 'di ltar kun nas nyon mongs par mi 'gyur bas na de'i phyir rang bzhin gyis rnam par grol bas rnam par grol lo/ /rigs kyi bu
75b₅ 'di ni snang ba yongs su dag pa'i ting nge 'dzin la 'jug pa'o/ /zhes de ltar de bzhin gshegs pa des byang chub sems dpa' de gnyis la rab tu bstan to/ /de gnyis kyis ting nge 'dzin de thos nas bsam gyis mi khyab pa'i chos la chos kyi snang ba thob bo/ /de nas bcom ldan 'das
75b₆ kun tu 'od zer de bzhin gshegs pa la byang chub sems dpa' blo gros mi zad pas 'di skad ces gsol to/ /bcom ldan 'das bdag cag gis ting nge 'dzin 'di la 'jug pa ni thos na/ bcom ldan 'das bdag cag gnas gang gis gnas par bgyi/ de skad ces gsol pa
75b₇ dang / bcom ldan 'das des rigs kyi bu de gnyis la 'di skad ces bka' stsal to/ /rigs kyi bu 'di la khyod chos kyi gtam yang dag par ston cig /yang na 'phags pa mi smra bar gyur pa la gnas par gyis shig /de nas bcom ldan 'das las byang chub sems dpa' de

_{iiif viewer powered by OpenSeadragon}

75a - 76a

Texts on this page