rKTs

e-texts navigator

Volume

Page

74a₁ mchog yin par de ltar rig par bya'o/ /de nas tshe dang ldan pa rab 'byor gyis 'jam dpal gzhon nur gyur pa la 'di skad ces smras so/ /'jam dpal gal te nyan thos dang / rang sangs rgyas kyi chos brjod par mi nus/ 'phags pa mi smra bar gyur pa la gnas
74a₂ par mi nus na/ byang chub sems dpa' gang la la yon tan 'di lta bu dang ldan pa gang ji ltar chos kyi gtam rjod par byed cing / 'phags pa mi smra bar gyur pa la gnas pa yod dam/ 'jam dpal gyis smras pa/ btsun pa rab 'byor de bzhin gshegs pa 'di mngon du bzhugs pa
74a₃ mkhyen na de bzhin gshegs pas mkhyen gyis 'di la zhus shig / de'i tshe bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor sangs rgyas thams cad kyi chos kyi rjes su 'jug pa g.yeng ba med pa'i sems zhes bya ba'i ting nge 'dzin yod de/ byang
74a₄ chub sems dpa' gang dag gis ting nge 'dzin de thob pa de dag thams cad yon tan 'di dag dang ldan par 'gyur ro/ /de nas 'jam dpal gzhon nur gyur pas byang chub sems dpa' mnyam par gnas la 'di skad ces smras so/ /rigs kyi bu gang spyod pa brgyad khri bzhi stong dang / chos
74a₅ kyi phung po brgyad khri bzhi stong bstan pa 'di ni chos kyi gtam zhes bya'o/ /gang 'du shes dang tshor ba thams cad 'gog pa'i snyoms par 'jug pa 'di ni 'phags pa mi smra bar gyur pa'o/ /rigs kyi bu ngas bskal pa'am/ bskal pa las lhag par yang chos kyi gtam dang 'phags
74a₆ pa mi smra bar gyur pa la brtsams te lung bstan kyang nga'i spobs pa zad par mi 'gyur ro/ /de nas bcom ldan 'das kyis bram ze shing sA la chen po lta bu'i bu mnyam par gnas pa la bka' stsal pa/ rigs kyi bu sngon 'das pa'i dus na byung ba bskal pa grangs med pa bas ches
74a₇ grangs med pa/ rgya che ba tshad med pa nas bskal pa snyan pa rnam par grags pa zhes bya ba byung ste/ de'i tshe de'i dus na mthong na dga' ba'i 'jig rten gyi khams su kun tu 'od zer zhes bya ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs

_{iiif viewer powered by OpenSeadragon}

73b - 74b

Texts on this page