rKTs

e-texts navigator

Volume

Page

73b₁ brtan rab 'byor ting nge 'dzin gang la gnas nas sems can thams cad kyi sems kyi spyod pa la lta zhing / bdag gi sems dang pha rol gyi sems su sgrib par mi 'gyur ba sems can thams cad kyi sems la lta ba'i ting nge 'dzin la mnyam par 'jog gam/ smras pa/ 'jam dpal de
73b₂ ma yin no/ /'jam dpal gyis smras pa/ btsun pa rab 'byor de bzhin gshegs pa sems can gyi spyod pa brgyad khri bzhi stong so so ci rigs su sman pa ston pas chos kyi gtam brjod do/ /ting nge 'dzin mnyam pa nyid las kyang mi g.yo la sems can thams cad kyi sems kyi spyod pa yang
73b₃ rab tu mkhyen te/ btsun pa rab 'byor rnam grangs 'dis kyang 'di ltar 'di la nyan thos dang / rang sangs rgyas rnams kyi yul ma yin par rig par bya'o/ /btsun pa rab 'byor sems can 'dod chags spyod pa gang dag sdug pa'i rnam pa nyid kyis rnam par 'grol zhing mi sdug pa'i rnam
73b₄ pas rnam par mi 'grol ba'ang yod de/ de dag kyang de bzhin gshegs pas rab tu mkhyen to/ /sems can zhe sdang la spyod pa gang skyon mthong bas rnam par grol bar 'gyur la byams pas rnam par 'grol bar mi 'gyur ba yang yod de/ de dag kyang de bzhin gshegs pas rab tu
73b₅ mkhyen to/ /sems can gti mug spyod pa gang dag smad pas rnam par grol bar 'gyur la/ chos bstan pas rnam par grol bar mi 'gyur ba yang yod de/ de dag kyang de bzhin gshegs pas rab tu mkhyen to/ /sems can cha mnyam par spyod pa sdug pa'i rnam pas kyang rnam par mi
73b₆ 'grol/ mi sdug pa'i rnam pas kyang mi 'grol/ byams pas kyang mi 'grol/ skyon gyis kyang mi 'grol/ chos bstan pas kyang mi 'grol/ smad pas kyang rnam par grol bar mi 'gyur ba yang yod de/ de dag la de bzhin gshegs pa ci nas mnyam pa nyid kyis dbang po'i khams
73b₇ las rnam par grol ba de lta de lta bur chos ston te/ de dag kyang de bzhin gshegs pas rab tu mkhyen to/ /rab 'byor rnam grangs 'dis 'di ltar de bzhin gshegs pa ni chos smra ba'i mchog yin pa dang / bsam gtan pa'i mchog yin pa dang / mi smra bar gyur pa la dga' ba'i

_{iiif viewer powered by OpenSeadragon}

73a - 74a

Texts on this page