rKTs

e-texts navigator

Volume

Page

73a₁ chos smra ba yin/ su dag 'phags pa mi smra bar gyur pa la gnas pa yin zhes gang yang dag par smra bas smra na/ 'jam dpal de bzhin gshegs pa'o zhes yang dag par smra bas smra ba'o/ /de ci'i phyir zhe na/ sangs rgyas bcom ldan 'das ni sems can thams cad
73a₂ kyi dbang po la mkhas shing rtag tu mnyam par bzhag pa'o/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal rigs kyi bu mnyam par gnas pas ji ltar bshad pa de de bzhin te/ 'di ltar sangs rgyas bcom ldan 'das rnams dgongs so/ /de nas
73a₃ bcom ldan 'das la gnas brtan rab 'byor gyis 'di skad ces gsol to/ /bcom ldan 'das las bdag gis mngon sum du thos shing mngon sum du bzung ste/ dge slong 'dus te 'khod pa rnams kyis bya ba gnyis yod de/ chos kyi gtam brjod par bya/ 'phags pa mi smra bar gyur pa la
73a₄ gnas par bya'o zhes gsungs na/ bcom ldan 'das gal te gnas 'di la nyan thos rnams mi nus na de ji ltar de bzhin gshegs pas nyan thos rnams la chos kyi gtam brjod cig /yang na 'phags pa mi smra bar gyur pas gnas par byos shig ces don 'di nye bar bstan/ bcom ldan
73a₅ 'das kyis bka' stsal pa/ rab 'byor 'di ci snyam du sems/ nyan thos rnams ma thos par chos kyi gtam brjod dam/ 'phags pa mi smra bar gyur pa rtse gcig pas gnas sam/ gsol pa/ de ma lags so/ /bcom ldan 'das kyis bka' stsal pa/ rab 'byor rnam grangs 'dis
73a₆ 'di ltar nyan thos dang / rang sangs rgyas rnams la chos kyi gtam yang med/ 'phags pa mi smra ba'ang med par rig par bya'o/ /de nas 'jam dpal gzhon nur gyur pas tshe dang ldan pa rab 'byor la 'di skad ces smras so/ /rab 'byor sems can rnams kyi spyod pa brgyad khri bzhi stong gang
73a₇ de bzhin gshegs pas mkhyen pa de dag gnas brtan gyis shes sam gang dag la de lta bu'i gtam brjod par bya ba de dag la rjes su 'thun pa'i gtam bstan par bya ba de la gnas brtan gyi ye shes 'jug gam/ smras pa/ 'jam dpal de ma yin no/ /'jam dpal gyis smras pa/ gnas

_{iiif viewer powered by OpenSeadragon}

72b - 73b

Texts on this page