rKTs

e-texts navigator

Volume

Page

71b₁ dag pa zhes bya'o/ /gang yang lha sbyin gyis tshig smras pa dang / gang de bzhin gshegs pas tshig smras pa tshig de gnyis tha dad pa ma yin no/ /de ci'i phyir zhe na/ tshig thams cad ni de bzhin gshegs pa'i tshig ste/ tshig thams cad ni de bzhin nyid las mi 'da' ba'o/ /gang tshig
71b₂ gi rnam par rig par byas pa ste thams cad ni rnam par rig pa med pas rnam par rig par byas pa ste/ de bas na tshig thams cad yi ge mnyam pa'i phyir/ yi ge mtshungs pa'i phyir/ yi ge stong pa'i phyir tshig thams cad ni mtshungs pa'o/ /mnyam par gnas pas smras pa/
71b₃ 'jam dpal de bzhin gshegs pas 'phags pa'i tha snyad du 'dogs pa dang / 'phags pa ma yin pa'i tha snyad du 'dogs pa zhes ma gsungs sam/ smras pa/ rigs kyi bu yi ge gang dag gis 'phags pa rnams kyi tha snyad du 'dogs pa'i yi ge de dag nyid kyis 'phags pa
71b₄ ma yin pa rnams kyang tha snyad du 'dogs so/ /smras pa/ 'jam dpal de de bzhin no/ /smras pa/ ci yi ge de dag 'phags pa 'am 'phags pa ma yin pa zhes rtog gam/ smras pa/ de ma yin no/ /smras pa/ ji ltar yi ge de dag mi rtog rnam par mi rtog pa de bzhin du 'phags
71b₅ pa rnams ni rtog pa dang rnam par rtog pa thams cad dang bral ba'o/ /de dag la tha snyad med de/ 'phags pa rnams ni yi ger 'du shes pas tha snyad du mi 'dogs so/ /chos su 'du shes pa ma yin/ chos ma yin par 'du shes pas ma yin/ bdag tu 'du shes pas ma yin/
71b₆ pha rol tu 'du shes pas ma yin no/ /'di lta ste dper na/ sil snyan dang / rnga bo che dang / rdza rnga dang / dung dag ni rkyen gyis sgra 'byung yang de dag rnam par mi rtog pa de bzhin du 'phags pa rnams rkyen kun 'byung ba mthong ba'i phyir tha snyad du 'dogs pas chags par mi byed/ mngon par
71b₇ chags par mi byed do/ /de nas byang chub sems dpa' mnyam par gnas kyis 'jam dpal gzhon nur gyur pa la 'di skad ces smras so/ /'jam dpal bcom ldan 'das kyis 'di ltar dge slong dag 'dus te 'khod pas bya ba gnyis yod de/ chos kyi gtam bya ba dang / 'phags pa

_{iiif viewer powered by OpenSeadragon}

71a - 72a

Texts on this page