rKTs

e-texts navigator

Volume

Page

71a₁ rnams so/ /smras pa/ 'jam dpal mngon par chags pa zhes bya ba de ci la mngon par chags/ smras pa/ tshangs pa mngon par chags pa zhes bya ba ni med pa la mngon par chags so/ /gal te tshangs pa yod pa la mngon par chags par gyur na 'di ltar shin tu
71a₂ mngon pa'i nga rgyal dang bral bar gyur pa ma yin no/ /'di ltar med pa la mngon par chags pa ste/ de bas na med pa'o zhes rtogs nas mngon par chags par mi byed de/ gang mngon par chags pa mi byed pa de mi 'khor ro/ /gang mi 'khor ba de rnam par mi 'gro ba'o/ /gang rnam
71a₃ par mi 'gro ba de mya ngan las 'das pa zhes bya'o/ /smras pa/ 'jam dpal yongs su mya ngan las 'das pa zhes bya ba ci'i gnyen po yin pa'i phyir mya ngan las 'das pa zhes bya/ smras pa/ tshangs pa yongs su mya ngan las 'das pa zhes bya ba ni phan tshun rkyen la sgro mi 'dogs pa'i
71a₄ phyir ro/ /ma rig pa mngon par 'du mi byed pa dang / 'du byed mi 'jug pas kyang nye bar mi sbyor te/ gang nye bar mi sbyor ba de ni kun nas mi slong ngo / /gang kun nas mi slong ba de ni yongs su mya ngan las 'das pa zhes bya'o/ /kun nas mi slong bar spyod pa ni shin tu 'gog pa'o/ /
71a₅ de'i lam mngon par rtogs pa ni shin tu mi skye ba yin te/ 'di ni 'phags pa'i bden pa bzhi zhes bya'o/ /de nas bram ze shing sA la chen po lta bu'i bu mnyam par gnas pas 'jam dpal gzhon nur gyur pa la 'di skad ces smras so/ /'jam dpal khyod kyis bstan pa thams
71a₆ cad ni yang dag par bstan pa'o/ /smras pa/ rigs kyi bu tshig thams cad ni yang dag pa'o/ /smras pa/ 'jam dpal gang gyi tshig yod pa ma yin pa/ yang dag pa ma yin pa gang yin pa de yang dag pa'am/ smras pa/ rigs kyi bu de yang yang dag pa'o/ /de ci'i phyir
71a₇ zhe na/ 'di ltar ngag thams cad ni dbang du gyur pa ste/ yul la gnas pa yang ma yin no/ /phyogs na gnas pa yang ma yin no/ /gang dbang du gyur cing yul la'ang mi gnas/ phyogs la'ang mi gnas pa de ni med pa'i phyir yang dag pa ste/ de'i phyir tshig thams cad kyang yang

_{iiif viewer powered by OpenSeadragon}

70b - 71b

Texts on this page