| e-texts navigator |
| བོད་ཡིག |
70b1 phrag bcu 'dod chags dang bral ba thob bo/ /srog chags nyis brgya bla na med pa yang dag par rdzogs pa'i byang chub tu sems skyes so/ /byang chub sems dpa' lnga stong mi skye ba'i chos la bzod pa skyes so/ /de nas bcom ldan 'das la tshangs pa khyad par sems kyis 'di skad
70b2 ces gsol to/ /bcom ldan 'das 'jam dpal gzhon nur gyur pas sangs rgyas kyi bgyi ba bgyis so/ /'jam dpal gyis smras pa/ tshangs pa sangs rgyas 'byung ba gang la yang phan pa'am gnod par nye bar mi gnas so/ /smras pa/ 'jam dpal bcom ldan 'das kyis
70b3 tshad med pa'i sems can yongs su mya ngan las 'das te/ khyod kyang tshad med pa'i sems can yongs su mya ngan las 'da' bar byed pa ma yin nam/ smras pa/ tshangs pa sems can med pa la sems can du rab tu 'byed par 'dod dam/ smras pa/ de ma yin no/ /smras pa/ tshangs
70b4 pa sems can med pa la sems can du bstan pa'am/ sems can med pa la sems can yongs su grub par 'dod dam/ smras pa/ de ma yin no/ /smras pa/ tshangs pa de bzhin gshegs pa 'byung ba'am 'gag par 'dod dam/ smras pa/ ma yin no/ /smras pa/ de bzhin gshegs
70b5 pas yongs su mya ngan las 'das pa'i sems can de dag gang yin/ smras pa/ 'jam dpal gzhon nur gyur pa chos kyi tshul gyi rnam pa gang gis ston pa ltar na 'di la 'khor ba yang med/ mya ngan las 'das pa'ang med do/ /smras pa/ tshangs pa de de bzhin te/ de bzhin
70b6 gshegs pas 'khor ba yang ma dmigs/ yongs su mya ngan las 'das pa yang ma dmigs so/ /tshangs pa bcom ldan 'das kyis gang nyan thos btul ba de dag gis kyang 'khor ba yang ma dmigs/ mya ngan las 'das pa yang ma dmigs so/ /tshangs pa yongs su mya ngan
70b7 las 'das pa zhes bya ba 'di ni btags pa'i tshig tha snyad tsam ste/ 'di la gang yang 'khor ba yang med/ yongs su mya ngan las 'das pa yang med do/ /smras pa/ 'jam dpal 'di la su dag dad par 'gyur/ smras pa/ chos gang la yang mngon par chags par mi 'gyur ba
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo