rKTs

e-texts navigator

Volume

Page

69b₁ gang bdag med pa'i chos nyid de/ tshangs pa bdag ni shin tu dngos po med pa/ ma grub pa gang de ltar mgo gcig tu gyur pa de ni bdag mthong ba zhes bya'o/ /smras pa/ 'jam dpal khyod kyis ji ltar bshad pa'i don des shes te bdag mthong bas sangs rgyas mthong ngo / /de ci'i phyir
69b₂ zhe na/ bdag gis ngo bo nyid kyis sangs rgyas kyi ngo bo nyid do/ /smras pa/ tshangs pa de de bzhin no/ /smras pa/ 'jam dpal gang gis de bzhin gshegs pa mthong / smras pa/ gang bdag tu lta ba 'khrug par mi byed pas so/ /de ci'i phyir zhe na/ bdag tu lta ba ni chos su lta
69b₃ ba ste/ chos mthong bas/ sangs rgyas mthong ba'o/ /smras pa/ 'jam dpal rnam grangs gang gis gang ma zhugs pa de dag yang dag par zhugs par 'gyur ba yod dam/ smras pa/ tshangs pa gang 'dus byas kyi dngos po thams cad la yang ma zhugs pa de yang dag par zhugs pa
69b₄ yin no/ /smras pa/ ji lta bu la zhugs na yang dag par zhugs pa zhes bya/ smras pa/ gang spong ba'i phyir yang ma yin/ mngon du bya ba'i phyir yang ma yin pa la 'jug pa de ni yang dag par zhugs pa zhes bya'o/ /smras pa/ 'jam dpal gang dag gis de bzhin gshegs pa
69b₅ ma mthong la 'phags pa shes rab kyi mig rnam par sbyangs par 'gyur ba'i rnam grangs yod dam/ smras pa/ tshangs pa gang de bzhin gshegs pa la gnyis su mi lta ba de dag gi 'phags pa'i shes rab kyi mig rnam par dag par 'gyur ro/ /smras pa/ 'jam dpal shes rab kyi mig
69b₆ gis ci mthong / smras pa/ tshangs pa gal te chos gang yang mthong bar gyur na shes rab kyi mig ma yin par 'gyur ro/ /tshangs pa shes rab kyi mig ni 'dus byas kyang mi mthong / 'dus ma byas kyang mi mthong ngo / /de ci'i phyir zhe na/ shes rab ni rnam par mi rtog pa ste/
69b₇ de ni 'dus byas mthong bar rung ba ma yin no/ /'dus ma byas kyang mig gi lam las 'das pas de yang mi mthong ngo / /smras pa/ 'jam dpal yang dag par zhugs pa'i dge slong 'bras bu thob par mi 'gyur ba'i rnam grangs yod dam/ smras pa/ tshangs pa yang dag par sbyor

_{iiif viewer powered by OpenSeadragon}

69a - 70a

Texts on this page