rKTs

e-texts navigator

Volume

Page

69a₁ gang gis byis pa so so'i skye bo thams cad gnas pa des de bzhin gshegs pa thams cad gnas par mdzad na de bzhin gshegs pa rnams la khyad par du 'phags pa ci zhig yod/ smras pa/ tshangs pa de stong pa nyid la khyad par yod par 'dod dam/ smras pa/
69a₂ 'jam dpal de ni ma yin no/ /'jam dpal gyis smras pa/ ci bcom ldan 'das kyis chos thams cad stong pa zhes bshad dam smras pa/ de de bzhin no/ /smras pa/ tshangs pa de'i phyir chos thams cad bye brag med de/ de dag gis gnas pa yang de'i mtshan nyid do/ /tshangs
69a₃ pa de bzhin gshegs pa ni chos tha dad du mi 'dogs so/ /smras pa/ 'jam dpal gnas pa gnas pa zhes bya ba'i gnas pa de gang yin/ smras pa/ tshangs pa gang la tshangs pa'i gnas bzhi yod pa de ni gnas zhes bya ste/ gang tshangs pa tshangs pa'i gnas bzhi dang bral ba de ni
69a₄ gnas la gnas pa ma yin no/ /gnas gang la gnas pas tshangs pa'i gnas bzhi rdzogs par byas te gnas pa de dag ni gnas la gnas pa'o/ /tshangs pa dgon pa'am bla gab med pa na gnas kyang tshangs pa'i gnas bzhi dang bral na de gnas la gnas pa ma yin no/ /gnas
69a₅ pa la mkhas pa ma yin no/ /smras pa/ de ste yang thog dang khang bu brtsegs par gser gyi khri la gding ba dang / dgab pa bshams pa'i gnas na gnas kyang tshangs pa'i gnas bzhi dang ldan na de dag gnas la gnas shing gnas la mkhas pa yin no/ /smras pa/ gnas pa gang
69a₆ gis gnas na ye shes mthong bar 'gyur/ smras pa/ gnas pa gang gis gnas na bdag mthong ba rnam par dag par 'gyur pa'o/ /smras pa/ ci 'jam dpal gang bdag mthong ba de ye shes mthong ba'am/ smras pa/ tshangs pa de de bzhin te/ gang bdag mthong ba de ye shes
69a₇ mthong ngo / /tshangs pa 'di lta ste dper na/ skyes bu gser lta mkhas pa ni ngan pa lta shes pas bzang po lta shes pa la nges par 'byung ngo / /de bzhin du bdag mthong bas ye shes mthong ba rnam par dag par 'gyur ro/ /smras pa/ 'jam dpal bdag mthong ba gang yin/ smras pa/

_{iiif viewer powered by OpenSeadragon}

68b - 69b

Texts on this page