| e-texts navigator |
| བོད་ཡིག |
68b1 gzhon nur gyur pas gsol pa/ bcom ldan 'das byang chub sems dpa' gang chos ston pa thams cad kyang ston la chos su 'du shes pa yang ma mchis/ chos ma lags par 'du shes pa yang ma mchis/ bdag tu 'du shes pa yang ma mchis/ pha rol tu 'du shes pa yang
68b2 mi bgyid de/ de ni de'i slad du byang chub sems dpa' zhes bgyi'o/ /byang chub sems dpa' dra ba can gyi 'od kyis gsol pa/ bcom ldan 'das byang chub sems dpa' gang gi 'od kyis sems can rnams kyi nyon mongs pa thams cad rab tu zhi bar bgyid pa de ni de'i slad du byang
68b3 chub sems dpa' zhes bgyi'o/ /byang chub sems dpa' kun tu me tog gis gsol pa/ bcom ldan 'das byang chub sems dpa' gang phyogs bcu'i 'jig rten na sangs rgyas kyi zhing thams cad de bzhin gshegs pa rnams kyis me tog rgyas pa lta bur mthong ba de ni de'i
68b4 slad du byang chub sems dpa' zhes bgyi'o/ /de ltar byang chub sems dpa' de dag gis rang rang gi spobs pa rnam par bshad do/ /de nas bcom ldan 'das kyis bram ze shing sA la chen po lta bu'i bu mnyam par gnas pa la bka' stsal pa/ byang chub sems dpa' gang sdug
68b5 bsngal ba'i sems can thams cad thar bar bya bar spro zhing dge ba'i rtsa ba thams cad kyang sems can thams cad la gtong ba de ni de'i phyir byang chub sems dpa' zhes bya'o/ /de nas tshangs pa khyad par sems kyis 'jam dpal gzhon nur gyur pa la 'di skad ces smras so/ /rigs
68b6 kyi bu khyod gnas pa ci lta bur gnas par byed/ smras pa/ gnas pa gang gis 'dus byas thams cad la zhugs pa'i sems can thams cad gnas pa'o/ /smras pa/ gang gnas pa ni 'dus byas thams cad la zhugs pa'i sems can thams cad gnas pa gang gis gnas smras
68b7 pa/ gang gis de bzhin gshegs pa thams cad gnas pa gang gis gnas pa'o/ /smras pa/ de bzhin gshegs pa thams cad gnas pa gang gis gnas pa mdzad/ smras pa/ don dam pa'i stong pa nyid la gnas pas so/ /smras pa/ gal te rigs kyi bu gnas pa
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo