| e-texts navigator |
| བོད་ཡིག |
68a1 ma gtogs pa'i rin po che gzhan la dga' ba mi skyed pa de ni de'i slad du byang chub sems dpa' zhes bgyi'o/ /dge bsnyen sa gas byin gyis gsol pa/ bcom ldan 'das dmigs pa can la ni byang chub ma mchis te/ gang chos thams cad la mi dmigs
68a2 pa dang / mi skyed mi 'gog pa de ni de'i slad du byang chub sems dpa' zhes bgyi'o/ /khyim bdag bzang skyong gis gsol pa/ bcom ldan 'das byang chub sems dpa' gang gi ming tsam bzung bas sems can byang chub tu nges par 'gyur ba de ni de'i slad du byang chub sems dpa'
68a3 zhes bgyi'o/ /gzhon nur gyur pa rin chen zla bas gsol pa/ bcom ldan 'das byang chub sems dpa' gang rtag tu rgyun mi chad par gzhon nu'i tshangs pa spyod pa dang ldan zhing 'dod pa la rtog pas kyang yongs su mi spyod na/ gnyis kyi dbang po gnyis mjal ba lta ci smos te/
68a4 de ni de'i slad du byang chub sems dpa' zhes bgyi'o/ /lha'i bu man dA ra ba'i dris gsol pa/ bcom ldan 'das byang chub sems dpa' gang tshul khrims kyi dris yongs su bsgos pas gang tshul khrims kyi dri las dri gzhan gyi ngad mi ldang ba de ni de'i slad du byang chub sems
68a5 dpa' zhes bgyi'o/ /byang chub sems dpa' dga' byed kyis gsol pa/ bcom ldan 'das byang chub sems dpa' gang sangs rgyas la bsnyen bkur bgyi ba dang / dam pa'i chos yongs su gzung ba dang / sems can yongs su smin par bgyi ba dang / chos gsum gyis
68a6 dga' ba bgyid pa de ni de'i slad du byang chub sems dpa' zhes bgyi'o/ /tshangs pa khyad par sems kyis gsol pa/ bcom ldan 'das byang chub sems dpa' gang sangs rgyas kyi chos ma lags pa'i chos gang yang ma mchis so zhes snang bar 'gyur ba de ni de'i slad du byang
68a7 chub sems dpa' zhes bgyi'o/ /byang chub sems dpa' byams pas gsol pa/ bcom ldan 'das byang chub sems dpa' gang mthong ma thag tu sems can dag byams pa'i ting nge 'dzin thob par 'gyur ba de ni de'i slad du byang chub sems dpa' zhes bgyi'o/ /'jam dpal
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo