rKTs

e-texts navigator

Volume

Page

67b₁ ldan 'das byang chub sems dpa' gang gi ngag bden pa'i rjes su 'jug cing rmi lam na yang gyi tshig mi smra ba de ni de'i slad du byang chub sems dpa' zhes bgyi'o/ /byang chub sems dpa' mthong na dga' bas gsol pa/ gang gzugs thams cad sangs rgyas kyi
67b₂ gzugs su mthong ba de ni de'i slad du byang chub sems dpa' zhes bgyi'o/ /byang chub sems dpa' rtag tu snying brtse bas gsol pa/ bcom ldan 'das byang chub sems dpa' gang 'khor bar zhugs pa'i sems can sdug bsngal ba rnams mthong nas chos la dga' ba ma
67b₃ gtogs pa dang / sems can yongs su smin par bgyi ba ma gtogs par dga' ba thams cad la dga' bar mi bgyid pa de ni de'i slad du byang chub sems dpa' zhes bgyi'o/ /byang chub sems dpa' thogs pa med kyis gsol pa/ bcom ldan 'das byang chub sems
67b₄ dpa' gang nyon mongs pa thams cad dang / bdud thams cad la yang thogs pa ma mchis par 'gyur ba de ni de'i slad du byang chub sems dpa' zhes bgyi'o/ /byang chub sems dpa' rtag tu dga' dgod dbang pos gsol pa/ bcom ldan 'das byang chub sems dpa'
67b₅ gang rtag tu dgod pa dang / rab tu dga' ba'i dbang po dag gis bdag gi bsam pa yongs su rdzogs shing bgyi ba bgyis pa/ bgyid par bgyis pa de ni de'i slad du byang chub sems dpa' zhes bgyi'o/ /sring mo yid gnyis rnam par 'joms mas gsol pa/ bcom ldan
67b₆ 'das byang chub sems dpa' gang chos thams cad la yid gnyis ma mchis shing the tsom ma mchis pa de ni de'i slad du byang chub sems dpa' zhes bgyi'o/ /gzhon nu ma seng ges gsol pa/ bcom ldan 'das gang la bud med kyi chos kyang ma mchis/ skyes pa'i chos kyang
67b₇ ma mchis la sems can yongs su smin par bgyi ba'i slad du gzugs sna tshogs kyang ston pa de ni de'i slad du byang chub sems dpa' zhes bgyi'o/ /bu mo rin chen gyis gsol pa/ bcom ldan 'das byang chub sems dpa' gang sangs rgyas dang / chos dang / dge 'dun rin po che

_{iiif viewer powered by OpenSeadragon}

67a - 68a

Texts on this page