| e-texts navigator |
| བོད་ཡིག |
66b1 sems dpa' blo gros brtan pas gsol pa/ bcom ldan 'das byang chub sems dpa' gang lhag pa'i bsam pa brtan pas sems can la mi dmigs pa'i byams pa dang ldan pa lags te/ de ni de'i slad du byang chub sems dpa' zhes bgyi'o/ /byang chub sems dpa'
66b2 sems can sgrol gyis gsol pa/ bcom ldan 'das 'di lta ste dper na/ gru'am zam pa ni sems can rgal ba la skyo ba ma mchis shing rnam par mi rtog pa de bzhin du bcom ldan 'das byang chub sems dpa' gang la sems can thams cad bsgral ba'i slad du de lta bu'i
66b3 sems mchis pa de ni de'i slad du byang chub sems dpa' zhes bgyi'o/ /byang chub sems dpa' ngan song sel gyis gsol pa/ bcom ldan 'das byang chub sems dpa' gang sangs rgyas kyi zhing gang du sug pa bzhag ma thag tu ngan song thams cad rab tu zhi bar 'gyur te/
66b4 de ni de'i slad du byang chub sems dpa' zhes bgyi'o/ /byang chub sems dpa' spyan ras gzigs kyi dbang pos gsol pa/ bcom ldan 'das byang chub sems dpa' gang mthong ba tsam gyis sems can byang chub tu nges par 'gyur ba dang / ming thos pas kyang 'jigs pa
66b5 thams cad las yongs su thar bar 'gyur te/ de ni de'i slad du byang chub sems dpa' zhes bgyi'o/ /byang chub sems dpa' mthu chen thob kyis gsol pa/ bcom ldan 'das byang chub sems dpa' gang gom pa 'dor zhing mchi ba na stong gsum gyi stong chen po 'jig rten
66b6 gyi khams kyi bdud kyi khams thams cad rab tu g.yo bar 'gyur te/ de ni de'i slad du byang chub sems dpa' zhes bgyi'o/ /byang chub sems dpa' kun tu mi skyo bas gsol pa/ bcom ldan 'das gal te bskal pa gang gA'i klung gi bye ma snyed nyin zhag gcig tu 'gyur la/
66b7 de nyin zhag tu bgrang ba de lta bu'i tshul gyis zhag lnga la zla ba phyed/ zhag sum cu la zla ba gcig /zla ba bcu gnyis la lo gcig pa'i lo bye ba brgya stong la sangs rgyas gcig byung nas mnyes par byed de/ rnam grangs 'di lta bus gang gA'i klung gi bye ma snyed kyi sangs rgyas kyi
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo