| e-texts navigator |
| བོད་ཡིག |
66a1 thams cad sems can ma yin par rab tu shes pa ste/ de ltar na rigs kyi bu byang chub sems dpa' byang chub la rab tu zhugs pa zhes brjod par bya'o/ /de nas bcom ldan 'das la bram ze shing sA la chen po lta bu'i bu mnyam par gnas pas 'di
66a2 skad ces gsol to/ /bcom ldan 'das ji ltar na byang chub sems dpa' byang chub sems dpa' zhes bgyi/ bcom ldan 'das kyis bka' stsal pa/ rigs kyi bu nam byang chub sems dpa' log par nges pa'i sems can rnams la snying rje bskyed cing yang dag
66a3 par nges pa'i sems can rnams la lhag par gus pa mi skyed pa'i tshig ni byang chub sems dpa' zhes bya'o/ /de ci'i phyir zhe na/ rigs kyi bu byang chub sems dpa' ni nges pa dang ma nges pa'i sems can rnams kyi phyir byang chub tu smon lam mi 'debs kyi/ gzhan
66a4 du na log par nges pa'i sems can rnams kyi phyir byang chub tu smon lam 'debs te/ de'i phyir byang chub sems dpa' zhes bya'o/ /de bas na rigs kyi bu byang chub sems dpa' log par nges pa'i sems can rnams la snying rje bar byas nas byang chub tu smon lam 'debs te de'i phyir
66a5 byang chub sems dpa' zhes bya'o/ /de nas bcom ldan 'das la byang chub sems dpa' byang chub ces bya bas 'di skad ces gsol to/ /bcom ldan 'das gang gi slad du byang chub sems dpa' zhes bgyi ba bdag kyang spobs so/ /bcom ldan 'das kyis bka' stsal pa/
66a6 byang chub khyod spobs par gyis shig /byang chub kyis gsol pa/ bcom ldan 'das 'di lta ste/ skyes pa'am/ bud med ji lta bur bstan pa'i yan lag brgyad dang ldan pa'i gso sbyin la ma ral ma zhig par nye bar gnas na de yan lag brgyad kyi gso sbyin yang dag par
66a7 blangs pa zhes bgyi ba'i grangs su mchi'o/ /bcom ldan 'das de bzhin du byang chub sems dpa' sems dang po bskyed pa nas bzung ste/ byang chub kyi snying po'i bar du byang chub kyi sems las ma g.yos pa lags te/ de ni de'i slad du byang chub sems dpa' zhes bgyi'o/ /byang chub
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo