rKTs

e-texts navigator

Volume

Page

63b₁ de bzhin gshegs pas chos bstan pa ni 'gro ba med par 'gro'o/ /smras pa/ 'jam dpal de bzhin gshegs pas mya ngan las 'das par 'gro ba'i chos ma bstan tam/ smras pa/ ci mya ngan las 'das pa la 'gro ba'am/ 'ong bar dmigs sam/ smras pa/ mya
63b₂ ngan las 'das pa la 'ong ba yang med 'gro ba yang med do/ /smras pa/ tshangs pa de lta bas na de bzhin gshegs pas 'gro ba med par 'gro ba'i chos bstan to/ /smras pa/ ji ltar thos pa smras pa/ ji ltar brjod pa bzhin du'o/ /smras pa/ ji lta bur brjod/ smras
63b₃ pa/ ji ltar rnam par rig pa med pa dang thos pa med pa bzhin no/ /smras pa/ de bzhin gshegs pa'i chos nyan pa gang yin/ smras pa/ gang yul la zag pa med pa rnams so/ /smras pa/ chos 'di sus shes par 'gyur/ smras pa/ gang rtsod par mi 'gyur ba dang / shes
63b₄ par mi 'gyur ba dang / rjes su shes par mi 'gyur ba rnams so/ /smras pa/ 'jam dpal ji ltar na dge slong rtsod pa mang ba yin/ smras pa/ 'di ni rigs so/ /'di ni mi rigs so zhes bya ba 'di ni rtsod pa'o/ /de bzhin du bsdus te 'di ni 'brel ba'o/ /'di ni ma
63b₅ 'brel ba'o zhes bya ba dang / 'di ni nyon mongs pa'o/ /'di ni rnam par byang ba'o zhes bya ba dang / 'di ni dge ba'o/ /'di ni mi dge ba'o zhes bya ba dang / 'di ni kha na ma tho ba dang bcas pa'o/ /'di ni kha na ma tho ba med pa'o zhes bya ba dang / 'di ni zag pa dang bcas pa'o/ /
63b₆ 'di ni zag pa med pa'o zhes bya ba dang / 'di ni 'jig rten pa'o/ /'di ni 'jig rten las 'das pa'o zhes bya ba dang / 'di ni 'dus byas so/ /'di ni 'dus ma byas so zhes bya ba dang / 'di ni tshul khrims so/ /'di ni ngang tshul ngan pa'o zhes bya ba dang / 'di ni bya ba'o/ /
63b₇ 'di ni bya ba ma yin no zhes bya ba dang / 'dis ni thob par 'gyur ro/ /'dis ni thob pa ma yin par 'gyur ro/ /zhes bya ba 'dis ni rtsod pa'o/ /tshangs pa ji tsam du khengs pa dang / 'dud pa dang / len pa dang / 'dor ba de tsam du rtsod pa ste/ de bzhin gshegs pas ni rtsod pa

_{iiif viewer powered by OpenSeadragon}

63a - 64a

Texts on this page