rKTs

e-texts navigator

Volume

Page

61a₁ yin no/ /tshangs pa thams cad mkhyen pa nyid ni chos gang yang mi len to/ /tshangs pa 'di ltar thams cad mkhyen pa nyid ni chos thams cad kyi snod du ma gyur pa yin te/ tshangs pa snod ma yin pa zhes bya ba ni dngos po med pa'i tshig so/ /dngos po med
61a₂ pa zhes bya ba ni bla gab med pa'i tshig so/ /thams cad mkhyen pa ni bla gab med pa dang mtshungs pa ste/ de bas na nga chos gang yang mi len to/ /tshangs pa 'di lta ste dper na/ nam mkha' la gnas te/ bya ba thams cad byed kyang nam mkha' de ni mi gnas pa'o/ /
61a₃ de bzhin du thams cad mkhyen pa nyid la ye shes thams cad rnam par bzhag kyang thams cad mkhyen pa nyid ni mi gnas pa'o/ /gsol pa/ bcom ldan 'das thams cad mkhyen pa nyid thams cad mkhyen pa nyid ces bgyi ba/ bcom ldan 'das ci'i slad du thams cad
61a₄ mkhyen pa nyid ces bgyi/ bka' stsal pa/ tshangs pa nyan thos rnams dang rang sangs rgyas rnams kyi spyod pa thams cad des shes te/ de'i phyir thams cad mkhyen pa nyid ces bya'o/ /de dag gi bsam pa thams cad kun shes pa dang / sbyor ba kun shes pa dang / snying rje
61a₅ kun shes pa dang / bslab pa kun shes pa dang / yang dag par 'dzin pa kun shes pas de'i phyir thams cad mkhyen pa nyid ces bya'o/ /rgyu ba thams cad rnam par spangs pa dang / rlom sems thams cad bcom pa de ni thams cad mkhyen pa nyid do/ /thob pa med cing
61a₆ rnam par rig pa med la sems can thams cad kyi sems kyi spyod pa de las shes par gyur pas na de'i phyir thams cad mkhyen pa nyid ces bya'o/ /ye shes thams cad mngon par rtogs pa dang / slob pa'i ye shes dang / mi slob pa'i ye shes dang / rang sangs rgyas kyi
61a₇ ye shes dang / thams cad mkhyen pa'i ye shes kyang 'di ltar rnam par bzhag pas na thams cad mkhyen pa nyid ces bya'o/ /yang dag par sbyor bas 'di la ye shes 'jug pas na de'i phyir thams cad mkhyen pa nyid ces bya'o/ /sman thams cad yongs su shes pas de'i phyir

_{iiif viewer powered by OpenSeadragon}

60b - 61b

Texts on this page