rKTs

e-texts navigator

Volume

Page

60a₁ pa mar me mdzad las pha rol tu phyin pa rnams yongs su rdzogs par byas so/ /tshangs pa gang sems dang po bskyed pa tshun chad kyi sbyin pa yongs su gtong ba de ni phyis mi dmigs pas sbyin pa yongs su gtong ba de la brgya'i char yang nye bar mi 'gro ba nas dpe'i
60a₂ bar du yang nye bar mi 'gro'o/ /gang dang po'i tshul khrims bslab pa dang / sbyangs pa'i yon tan yang dag par blangs pa'i tshul khrims de ni shin tu sbyangs pa'i tshul khrims de la dpe'i bar du yang nye bar mi 'gro'o/ /gang sems dang po bskyed pa tshun cad kyi bzod pa dang / des
60a₃ pa de ni shin tu bzod pa'i chos nyid de la rgyur yang nye bar mi 'gro'o/ /gang sems dang po bskyed pa tshun chad nas bzung ste/ brtson 'grus brtsam pa de ni blang ba med pa dang / dor ba med pa'i brtson 'grus de la dpe'i bar du yang nye bar mi 'gro'o/ /gang sems dang po bskyed
60a₄ pa tshun cad kyi bsam gtan rab tu dben par gnas pa de ni rab tu zhi ba mtshan ma med pa de la dpe'i bar du yang nye bar mi 'gro'o/ /tshangs pa gang sems dang po bskyed pa tshun cad kyi shes rab kyis so sor rtogs pa de ni spros pa med pa'i shes rab de la dpe'i bar du yang nye
60a₅ bar mi 'gro ste/ /de bas na tshangs pa rnam grangs 'dis 'di ltar ngas de'i tshe pha rol tu phyin pa drug yongs su rdzogs par byas so zhes bya ba de ltar rig par bya'o/ /gsol pa/ bcom ldan 'das ji ltar na pha rol tu phyin pa drug yongs su rdzogs pa lags/ bka' stsal pa/
60a₆ gang gtong ba la rlom sems med pa dang / tshul khrims la mi gnas pa dang / bzod pa la rnam par mi rtog pa dang / brtson 'grus la blang ba med pa dang / bsam gtan la mi gnas pa dang / shes rab la gnyis su med pa 'di ni tshangs pa pha rol tu phyin pa drug yongs su
60a₇ rdzogs pa yin no/ /gsol pa/ bcom ldan 'das pha rol tu phyin pa drug yongs su rdzogs nas ci yongs su rdzogs par bgyid/ bka' stsal pa/ tshangs pa pha rol tu phyin pa drug yongs su rdzogs nas thams cad mkhyen pa nyid yongs su rdzogs par byed do/ /gsol pa/

_{iiif viewer powered by OpenSeadragon}

59b - 60b

Texts on this page