rKTs

e-texts navigator

Volume

Page

59b₁ pa'i yon tan yang dag par bzung bas ngas blangs pa dang / ngas khro ba'i tha ba dang / phrag dog dang / nga rgyal dang / 'chab pa med par byas nas ngas bzod pa dang byams pa sgom pa dang / bsam gtan dang / rab tu dben par spyod pa dang / dben par gnas mal
59b₂ 'cha' ba dang / zas dang sgra'i rjes su 'gro ba'i dri ba yongs su dris pa dang / de byed pa'i brtson 'grus kyis thos pa thams cad khong du chud par byas pa'i de bzhin gshegs pa de dag gis ming yang bskal pa'am/ bskal pa las lhag par brjod du yod kyang de bzhin
59b₃ gshegs pa de dag gis nga bla na med pa yang dag par rdzogs pa'i byang chub tu lung ma bstan to/ /de ci'i phyir zhe na/ tshangs pa 'di ltar nga spyod pa la gnas par gyur te/ de bas na tshangs pa rnam grangs 'dis kyang ci nas byang chub sems dpa' spyod pa thams cad las
59b₄ 'das pa rnams la lung bstan pa yin par de ltar rig par bya'o/ /tshangs pa gang gi tshe ngas de bzhin gshegs pa mar me mdzad mthong ma thag tu mi skye ba'i chos la bzod pa thob bo/ /de nas gdod de bzhin gshegs pa mar me mdzad kyis nga la khyod ma 'ongs pa'i dus na
59b₅ bskal pa grangs med pa na shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung bstan te/ de na nga spyod pa thams cad las 'das so/ /de na nga'i pha rol tu phyin pa drug yongs su rdzogs so/ /de ci'i phyir
59b₆ zhe na/ gang mtshan ma thams cad yongs su gtong ba de ni sbyin pa'i pha rol tu phyin pa'o/ /gang dmigs pa thams cad rab tu zhi ba de ni tshul khrims kyi pha rol tu phyin pa'o/ /gang yul rnams la rmas par mi 'gyur ba de ni bzod pa'i pha rol tu phyin pa'o/ /gang chos thams
59b₇ cad dben pa de ni brtson 'grus kyi pha rol tu phyin pa'o/ /gang yid la byed pa thams cad la mi 'jug pa de ni bsam gtan gyi pha rol tu phyin pa'o/ /gang rang bzhin gyis mi skye ba'i chos la bzod pa de ni shes rab kyi pha rol tu phyin pa ste/ tshangs pa de lta de ltar de bzhin gshegs

_{iiif viewer powered by OpenSeadragon}

59a - 60a

Texts on this page