rKTs

e-texts navigator

Volume

Page

58a₁ mngon par 'du byed pas lung bstan par mi 'gyur bar rig par bya'o/ /smras pa/ rigs kyi bu pha rol tu phyin pa drug la spyad nas phyis lung bstan par 'gyur ro/ /smras pa/ tshangs pa de bzhin te/ pha rol tu phyin pa drug la spyad nas phyis lung bstan par
58a₂ 'gyur te/ tshangs pa gang nyon mongs pa thams cad yongs su btang ba de ni sbyin pa'o/ /gang mngon par 'du mi byed pa de ni tshul khrims so/ /gang rma mi thod pa de ni bzod pa'o/ /gang dben pa de ni brtson 'grus so/ /gang rab tu mi gnas pa de ni bsam gtan no/ /
58a₃ gang spros pa med pa de ni shes rab ste/ tshangs pa byang chub sems dpa' gang pha rol tu phyin pa drug la spyod pa de dag ci la spyod/ smras pa/ ci la yang mi spyod do/ /de ci'i phyir zhe na/ spyod pa ci tsam pa de tsam du spyod pa ma yin no/ /gang spyod pa de mi spyod pa'o/ /gang mi spyod
58a₄ pa de bla na med pa yang dag par rdzogs pa'i byang chub la spyod pa ste/ tshangs pa rnam grangs 'dis ji ltar spyod pa ma yin pa ni byang chub kyi spyod pa yin par rig par bya'o/ /tshangs pa byang chub tu lung bstan to/ /zhes de skad zer ba ni de bzhin nyid dang / chos kyi dbyings ji lta bur
58a₅ lung bstan pa de lta bur yang lung bstan to/ /smras pa/ rigs kyi bu de bzhin nyid dang / chos kyi dbyings ni lung mi bstan to/ /smras pa/ 'o na de bzhin nyid dang chos kyi dbyings ji lta ba bzhin du lung bstan pa de'i mtshan nyid kyang de bzhin no/ /de nas bcom ldan 'das la tshangs
58a₆ pa khyad par sems kyis 'di skad ces gsol to/ /bcom ldan 'das ji ltar spyad na byang chub sems dpa' de bzhin gshegs pa rnams kyis bla na med pa yang dag par rdzogs pa'i byang chub tu lung bstan par 'gyur/ bcom ldan 'das kyis bka' stsal pa/ tshangs pa
58a₇ nam byang chub sems dpa' skye ba la yang mi spyod/ 'gag pa la yang mi spyod/ dge ba la yang mi spyod/ mi dge ba la yang mi spyod/ 'jig rten pa la yang mi spyod/ 'jig rten las 'das pa la yang mi spyod/ zag pa dang bcas pa la yang mi spyod/ zag pa med pa la

_{iiif viewer powered by OpenSeadragon}

57b - 58b

Texts on this page